قىتايلىق ينۆەستورلار جاپپاي التىن قۇيمالارىن ساتىپ الۋدا
بىلتىر بۇل ەلدە باعالى مەتالعا دەگەن سۇرانىس % 2- عا ارتقان. ساراپشىلار 2016 -جىلىدا ديەۆالۆاتسيا قىسىمى مەن قىتاي بيرجالارىنىڭ قۇبىلۋى التىنعا دەگەن سۇرانىستى ارتتىرادى دەپ بولجايدى.
قىتاي جاڭا جىلى التىن قۇنىنىڭ قىمباتتاۋىمەن باستالدى. وسى اپتادا باعالى مەتالدىڭ گرامى شاڭحايدا 340 يۋانعا دەيىن جەتىپ، % 5- عا وسكەن. ءبىراق بۇل ساتىپ الۋشىلارعا كەدەرگى بولعان جوق.
لي ۋەيحۋا، تۇتىنۋشى:
- وزىمە القا السام دەپ ەدىم باعا ءوسىپ كەتىپتى. ءبىراق قازىر الماسام، قىمباتتاي بەرەتىن ءتۇرى بار.
ۋەن شۋە، ساتۋشى:
- حالىققا نەگىزىنەن وسى جىلدىڭ سيمۆولى مەشىن تۇرىندەگى اشەكەيلەر ۇناپ جاتىر. بىلەزىك، سىرعا، القالار جاقسى ءوتتى، ال قازىر التىن قۇيمالارىنا سۇرانىس ارتتى. بىزدەگى ساتىلىم كولەمى وتكەن جىلعا قاراعاندا %30- عا ءوستى.
وتكەن اپتادا حالىقارالىق نارىقتا التىن قۇنى % 7- عا كوتەرىلدى. بۇل - 2008 - جىلدىڭ جەلتوقسانىنان بەرگى ەڭ جوعارعى كورسەتكىش. ال جىل باسىنان بەرى باعالى مەتالل % 16- عا قىمباتتاعان. ساراپشىلار سارى مەتالعا دەگەن سۇرانىستىڭ ارتۋىن الەم ەكونوميكاسىنداعى تۇراقسىزدىقپەن بايلانىستىرادى.
سۋ جۋن، بەيجىڭ تەحنولوگيا جانە بيزنەس ۋنيۆەرسيتەتىنىڭ پروفەسسورى:
- ەكونوميكانىڭ قۇبىلۋى مەن كۋرس باعامىنىڭ وزگەرۋى حالىقتىڭ ۆاليۋتاعا دەگەن سەنىمسىزدىگىن تۋدىرىپ وتىر. مۇناي باعاسىنىڭ دا تومەندەۋى كەزىندە سەنىمدى ساقتاۋ كوزى التىن ەكەنى داۋسىز. قىتايدا «بەيبىت كۇندەرى قۇندى زات جيناساڭ، قيىن- قىستاۋ زاماندا التىن جينا» دەگەن ۇلاعاتتى ءسوز بار.
وسىلايشا قىتايلىق ينۆەستورلار شاڭحاي مەن شىنجەندەگى قور بيرجالارىنداعى سەنىمسىزدىكتەن سوڭ التىندى ءجون سانايدى. نارىقتىڭ پارقىن بىلەتىن ساراپشىلارعا سەنسەك، سارى مەتال باعاسى جىل سوڭىنا دەيىن ۋنسياسى 1300 ا ق ش دوللارىنا دەيىن كوتەرىلەدى.
www.24.kz
