عىلىمي، سپورتتىق مەديتسينانىڭ كومەگى بولعاندا ەكى دۇركىن وليمپيادا چەمپيونى بولار ەدىم - ە. يبرايموۆ

الماتى وبلىسىنىڭ تالعار اۋدانىندا ورنالاسقان بۇكىل الەمدىك بوكس اكادەمياسىندا «ارۋانا» كوپ اتقارىمدىق ساۋىقتىرۋ ورتالىعىنىڭ اشىلۋ ءراسىمى بارىسىندا «قازاقپارات» تىلشىسىنە بەرگەن سۇحباتىندا سيدنەي وليمپياداسىنىڭ چەمپيونى ەرماحان يبرايموۆ وسىلاي دەدى.

«ءبىزدىڭ كەزىمىزدە بوكسشىلاردىڭ سپورتتاعى جولى قىسقا بولدى عوي. فيزيكالىق مۇمكىندىگىمەن، جىگەرىمەن، باپكەرلەردىڭ كۇشىمەن چەمپيون بولىپ ءجۇردى. ول كەزدە 30 جاسقا دەيىن مۇمكىندىگىڭدى كورسەتسەڭ كورسەتتىڭ، كورسەتپەسەڭ، «ساۋ بول» دەيتىن. ال قازىر، عىلىمعا نەگىزدەلگەن، يننوۆاتسيالىق تەحنولوگيالار مەن بەيستاندارتتىق ادىستەمەلەرمەن قامتىلعان سپورتتىق مەديتسينانىڭ ارقاسىندا سپورتشىنىڭ سپورتتاعى ءومىرىن ۇزارتۋعا مۇمكىندىك اشىلدى.

 ەندى، بوكسشىلاردىڭ سپورتتاعى جاسى 35، بالكىم 36-37 جاسقا دەيىن ۇزارسا دەگەن ويىمىز بار. مەن مىسالى، 24 جاسىمدا اتلانتا وليمپياداسىنىڭ قولا جۇلدەگەرى اتاندىم. 2000 - جىلى - 28 جاسىمدا سيدنەي وليمپياداسىندا جەڭىس تۇعىرىنا كوتەرىلدىم. ال ەگەر، مەنىڭ كەزىمدە قازاقستاندا عىلىمعا نەگىزدەلگەن، زاماناۋي، سپورتتىق مەديتسينالىق ورتالىق بولعاندا، ەكى دۇركىن وليمپيادا چەمپيونى بولۋعا تولىق مۇمكىندىگىم بولار ەدى. ايتپەسە، 32 جاس - ەر ازاماتتىڭ ناعىز ءپىسىپ جەتىلگەن كەزى عوي. ءبىرجان جاقىپوۆ قازىر 32 جاستا. ونىڭ ءالى دە جوعارى جەتىستىككە قول جەتكىزەر مۇمكىندىگى زور»، - دەدى ە. يبرايموۆ.

ايتا كەتەلىك، الداعى ناۋرىز ايىنان باستاپ، بوكستان جاستار جانە جاسوسپىرىمدەر ۇلتتىق قۇراما كوماندالارى اتالمىش ورتالىق ماماندارىنىڭ اقىل- كەڭەسىن الاتىن بولادى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى