يتالياندىق جازۋشى ۋمبەرتو ەكو دۇنيەدەن ءوتتى

ول «ءراۋشاننىڭ ەسىمى» اتتى رومانىمەن كەڭىنەن تانىمال. ونىڭ وتباسى وكىلدەرىنىڭ ايتۋىنشا، جازۋشى جۇما كۇنى كەشتە ءوز ۇيىندە كوز جۇمعان. وقيعانىڭ باسقا ءمان- جايى حابارلانعان جوق.

 ۋمبەرتو ەكو 1932 - جىلى تۋرين ماڭىنداعى الەسساندريا شاعىن قالاسىندا دۇنيەگە كەلگەن. 1954 - جىلى ول تۋرين ۋنيۆەرسيتەتىن ءبىتىردى، وندا ورتاعاسىرلىق فيلوسوفيا مەن ادەبيەتتى وقىپ- ۇيرەندى.

 ونىڭ العاشقى رومانى - «راۋشاننىڭ ەسىمى» 1980 - جىلى جارىق كوردى. بۇل كىتاپ كەيىننەن ەڭ تانىمال ادەبي ەڭبەك بولدى جانە 1986 - جىلى ەكرانعا شىعارىلدى. فيلمدەگى باستى ءرولدى شون كوننەري سومدادى.

ۋمبەرتو ەكونىڭ جەتىنشى سوڭعى رومانى «نولدىك ءنومىر» 2015 - جىلعى قاڭتاردا جاريالاندى.

 ەكونىڭ ءوزى جازۋشىلىق ونىڭ باستى قىزمەتى ەمەس دەپ سانادى. «مەن فيلوسوفپىن. مەن رومانداردى دەمالىس كۇندەرى عانا جازامىن»، - دەدى ول. ەكو 1988 - جىلى سان- مارينو ۋنيۆەرسيتەتىندە كوممۋنيكاتسيا دەپارتامەنتىنىڭ نەگىزىن قالادى. ول ميلان، تۋرين جانە فلورەنتسيا ۋنيۆەرسيتەتتەرىندە مادەنيەت پەن ەستەتيكا تەورياسىنان ساباق بەردى.

 ۋمبەرتو ەكو كوپتەگەن ۋنيۆەرسيتەتتەردىڭ قۇرمەتتى دوكتورى. ول فيلوسوفيا، ءتىل ءبىلىمى، سەميوتەكا، ورتاعاسىرلىق ەستەتيكا بويىنشا كوپتەگەن ەسسە جازدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى