ۇلتتىق كيىمدەردى قولعا العان تىگىنشى تولاعاي تابىسقا كەنەلدى

 گرانتتىڭ ارقاسىندا شارۋاسىن ورگە باستىرعان كاسىپكەرلەردىڭ ءبىرى رۋدنىي قالاسىندا تۇرادى. گۇلنۇر وماروۆا -  وزبەكستاننان 2002 - جىلى قونىس اۋدارعان. تاريحي وتانىنا ورالعان ول كەنشىلەر كەنتىندە 5 ادامدى جۇمىسپەن قامتىپ وتىر.

 ءزاريفا كەڭجايەۆا -  20 جىلدىق ءوتىلى بار تىگىنشى. «ۇلتتىق كيىم تىگۋدىڭ ءوز ەرەكشىلىگى بار. وعان اسقان ۇقىپتىلىق، زور ىنتا، شىعارماشىلىق كەرەك»، - دەيدى ول. جىلدىڭ قاي مەزگىلىندە دە ءزاريفانىڭ جۇمىسى قاۋىرت.

 ءزاريفا كەڭجايەۆا، تىگىنشى:

 - كەلىن ءتۇسىرۋ، بەسىك توي، بالانىڭ 1 جاسى، سۇندەت تويعا ارنالعان كوكىرەكشە، قامزول، بەشپەنت -  ءبارى تىگىلەدى. تاپسىرىس ءار جەرلەردەن تۇسەدى، استانادان كەلەدى، قاراعاندىدان. كۇنى- ءتۇنى تىنباي ەڭبەكتەنەمىز. بارلىق كيىمدى جاقسىلاپ ويلاستىرىپ الىپ، ماتاسىن الىپ، تۇتىنۋشىلارمەن دە جاقسى جۇمىس ىستەپ، ولاردىڭ دا ويلارىن، تىلەكتەرىن ەسكەرە وتىرىپ، يگىلىكتى جۇمىس ىستەپ جاتىرمىز.

 شاعىن سەحتىڭ ساپالى ونىمدەرى بۇگىندە ەلىمىزدە كەڭىنەن تانىمال. تاپسىرىس وسىلايشا رەسپۋبليكا بويىنشا ءتۇسىپ تۇرادى. «مۇنىڭ ءبارى مەملەكەت جاردەمىنىڭ ناتيجەسى»، - دەيدى گۇلنۇر وماروۆا. ۇتىپ العان 3 ميلليون تەڭگە قاراجاتقا ول بارلىق قاجەتتى جابدىقتاردى الىپ، كەرەك- جاراعىن تۇگەندەدى. كومپيۋتەرلەنگەن تىگىن ماشيناسى مۇمكىندىكتى كەڭەيتتى. ماقسات -  بارىنشا زامانعا ساي بولۋ.

سەح توي كويلەكتەرىنەن باستاپ، قورجىن، دوربا، ۇلتتىق كيىمدەردىڭ بارلىق ءتۇرىن تىگەدى. ولاردى ساتاتىن بولمە دە جانىندا. كاسىبى ارقىلى ۇلتتىق سالت- ءداستۇردى ناسيحاتتاپ وتىرعان نىساننىڭ تۇراقتى تۇتىنۋشىلارى دا جەتكىلىكتى.

گۇلنۇر وماروۆانى تىگىنشىلىك ونەر، كاسىپكە يكەمدەگەن اناسى بارشاگۇل ەدى. ولاردىڭ وتباسىلىق بيزنەسى قازىر 5 ادامنىڭ كۇنكورىس كوزى. كاسىپكەر ناۋرىز مەيرامىندا ەلوردادا وتەتىن «قازاقستاندا جاسالعان» كورمەسىنە شاقىرتۋ الدى. قازىر ۇجىم وسى ماڭىزدى ءىس- شاراعا قىزۋ دايىندىق ۇستىندە.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى