گولوۆكين مەن ۋەيد بەتپە- بەت كەزدەستى

 BA, IBO, IBF  جانە WBC نۇسقالارى بويىنشا ورتاشا سالماقتا الەم چەمپيونى گەننادي گولوۆكين نيۋ- يوركتەگى باسپا ءسوز كونفەرەنسياسىندا 23 - ساۋىردە دومينيك ۋەيدپەن وتەتىن جەكپە- جەكتىڭ الدىندا ءوزىن قالاي سەزىنىپ وتىرعانى تۋرالى ايتىپ بەردى، دەپ حابارلايدى Sports.kz.

«قازىرگى كەزدە ءوزىمدى الدەقايدا جاقسى سەزىنىپ وتىرمىن. جاڭا جىل، جاڭا جۇدىرىقتاسۋ. مەن شاتتانىپ وتىرمىن، سەبەبى بۇل - بوكس. دومينيك ۋەيدتى قۇرمەتتەيمىن. ول وسىعان دەيىن جەڭىلمەگەن سپورتشى ءارى مىندەتتى ۇمىتكەر. بۇل وتە كۇردەلى. بويىمدا جاڭا ەموتسيالار بار. كىم جەڭەتىنىن بىلمەيمىن. مەن قۇداي ەمەسپىن. بۇل بوكس، جىگىتتەر»، - دەپ اتاپ ءوتتى قازاقستاندىق بوكسشى.

ءوز كەزەگىندە ۋەيد الداعى جەكپە- جەكتە GGG- ءنىڭ جەڭىسكە سەنىمدى ۇمىتكەر ەكەنىنە قاراماستان، ەش الاڭداۋشىلىق بىلدىرمەدى.

«مەن وعان نازار اۋدارىپ وتىرعان جوقپىن. بۇل مەنى الاڭعا شىعىپ، الەمدى تاڭعالدىرۋعا ىنتالاندىرا تۇسەدى. سولاي جاساماقپىن. مەن وعان (گەننادي گولوۆكين - اۆت.) تىم ارتىق باعا بەرىلدى دەپ ويلايمىن. جۇرت ونى سۋپەرمەن قىلىپ قويدى. مەن ونى سونداي دەپ ويلامايمىن. ونىڭ بوكستاعى ويىنىندا وسال تۇستارىن كورىپ وتىرمىن. ول قاراپايىم، ءبىراق اينالاسىنداعى شۋ كوپتەگەن ادامدى قورقىتىپ وتىر»، - دەپ باياندادى ۋەيد.

ەسكە سالا كەتەيىك، بوكسشىلار اراسىنداعى جەكپە- جەك 23 - ساۋىردە «فورۋم» ارەناسىندا وتەدى.

 بۇل گەننادي گولوۆكيننىڭ سپورتتىق مانسابىنداعى 35- جەكپە- جەگى بولماق. دومينيك ۋەيد 18 جەكپە- جەكتىڭ 18 بارىندە جەڭىسكە جەتكەن، سونىڭ 12- ءسىن ول ۋاقىتىنان بۇرىن اياقتاعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى