ينستاگرامدا «قازاق ارۋى» بايقاۋى سۇلۋلارىنىڭ جاڭا فوتوسۋرەتتەرى جاريالاندى - فوتو

بايقاۋعا دايىندىق اياسىندا بويجەتكەندەر تانىمال قازاقستاندىق فوتوگراف دۋمان قاسىمنىڭ فوتوسەسسياسىنا ءتۇستى. بايقاۋدىڭ ۇيىمداستىرۋشىسى - قازاقستاندىق پروديۋسەر بايان ەسەنتايەۆا. ەسەپ بويىنشا التىنشى بولىپ تابىلاتىن «قازاق ارۋى-2016» ۇلتتىق بايقاۋىنىڭ كاستينگى الماتىدا 24 جانە 25 - قاڭتار كۇندەرى، استانادا - 30 جانە 31 - قاڭتاردا وتكەن.

استانادا وتكەن كاستينگ كەزىندە قازىلار القاسىنىڭ قۇرامىنا مۋزىكالىق پروديۋسەرلەر بايان ەسەنتايەۆا، باعىم مۇحيتدەنوۆا، «حابار» تەلەارناسىنىڭ باعدارلامالار شىعارۋ ديرەكسياسىنىڭ باس ديرەكتورى رينات كەرتايەۆ پەن «الاۋ» توبىنىڭ ديرەكتورى نازىم باسقىنبايەۆا كىردى.

بايقاۋدىڭ اقتىق كەزەڭىنە 21 ۇمىتكەر بويجەتكەن ىلىكتى. بايقاۋعا ەڭ جاس قاتىسۋشىنىڭ جاسى 16-دا، ەڭ ەرەسەگى - 22-دە. بويجەتكەندەرگە قويىلعان نەگىزگى تالاپتاردىڭ اراسىندا سۇلۋلىق، بويىنىڭ 170 س م. -دەن تومەن بولماۋى، 16-22 جاس ارالىعى، قازاق تىلىندە سويلەۋ، ۇزىن شاش، قازاق حالقىنىڭ تاريحىن، داستۇرلەرىن جانە سالتتارىن جاقسى ءبىلۋى كورسەتىلگەن.

ءداستۇر بويىنشا، فينال بىرنەشە كەزەڭنەن تۇرادى.

وتكەن جىلى «قازاق ارۋى-2015» اتاعىنا قاراعاندى وبلىسىنىڭ تۇرعىنى كامشات قوسكەلوۆا يە بولعان. ول باستى جۇلدە - التىن ءتاج بەن اۆتوموبيلگە يە بولدى.

 

 

 

 

 

 

 

 

 

 

  

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى