بيىك وكشە قاۋىپتى مە؟

وسى جاسقا دەيىن بيىك وكشە مەن ءبىز وكشەلى اياق كيىمدى قولدانۋدا وتە اباي بولۋدى ۇسىنادى.

وكشەسى بيىك جانە تار اياق كيىمدى كوپ كيگەندە اياقتىڭ الدىڭعى بولىگىنە كۇش ءتۇسىپ، باشپايلاردىڭ (اياق ساۋساقتارى) قيسايۋىنا الىپ كەلەدى. بيىك وكشەنى جاقسى كورەتىندەردە پلانتارلىق فاستسيت ءجيى كەزدەسەدى، ول - تابان سۇيەگىنىڭ ۇلكەيۋى. ۇنەمى كيىلەتىن بيىك وكشەنىڭ اسەرىنەن ۋاقىت وتە كەلە اياقتىڭ احيلل ءسىڭىرى ءوز قالىبىنان وزگەرىپ، جايتابان اياق كيىممەن ءجۇرۋ مۇمكىن ەمەس بولىپ قالادى.

بۇل جاعداي تەك وتا جاساۋ ارقىلى عانا ەمدەلەدى. سونىمەن قاتار، وكشە بيىكتەگەن سايىن ومىرتقاعا تۇسەتىن كۇش تە ارتا بەرەدى. بيىك (8 سانتيمەتردەن جوعارى) وكشەلى اياق كيىمدى ۇزاق ۋاقىت كيۋدىڭ اسەرىنەن ومىرتقاارالىق جارىق (ومىرتقا اراسىندا ەت ءوسۋ، گرىجا)، بەل اۋرۋلارى، بۋىنداردىڭ جىلجۋى، ءسىڭىر سوزىلۋ سياقتى اۋرۋلار ءجيى ۇشىرايدى. سكوليوز (ومىرتقانىڭ ءبىر بۇيىرگە قيسايۋى) بار ادامدارعا بيىك وكشە كيۋگە بولمايدى، قاۋىپتى. سوندىقتان بيىك وكشە كيگەندە اياعىڭىز تالىپ، اۋىرا باستاسا، دەنساۋلىعىڭىزدى ويلاعانىڭىز دۇرىس.

ەگەر ءسىز كۇنى بويى بيىك وكشەلى اياق كيىممەن ءجۇرىپ، كەشكە نە ۇيىقتار الدىندا اياعىڭىزدىڭ ءسىڭىرى تارتىلىپ (سيرەك ءارى ءجاي عانا بولسا دا)، ءىسىپ، اۋىرسىنۋلار بولسا، ۆاريكوزدىڭ (اياق قان تامىرلارىنىڭ كەڭەيۋى) العاشقى بەلگىلەرى بولۋى مۇمكىن. كۇنى بويى اياعىڭىزدان تىك تۇراتىن نە كوپ شاپقىلايتىن جۇمىستا ىستەسەڭىز، سىزدە ۆاريكوز اۋرۋلارىن اسقىندىرىپ الۋ قاۋپى بار. ال بيىك جانە تار اياق كيىم قان تامىرلارىنا قىسىم تۇسىرەدى.

تاباننىڭ قالىپتى جاعدايىن ساقتايتىن بيىكتىك - 3-4 سانتيمەتر اياعىڭىز ءىسىپ، اياق ساۋساقتارىڭىز تالىپ، ءسىڭىر تارتىلىپ، اياق ءجيى ۇيىپ، تابان مەن اياق تەرىسى قاجالسا، سىزگە بيىك وكشەدەن ۋاقىتشا الىستاي تۇرۋ كەرەك. بولماسا، بيىكتىگى ورتاشا اياق كيىمگە اۋىسقانىڭىز ءجون.

دارىگەرلەر بيىك وكشەنى كۇنىنە 3-4 ساعاتتان ارتىق كيمەۋگە كەڭەس بەرەدى. سوندىقتان جۇمىس ورنىڭىزعا اۋىستىراتىن ارتىق اياق كيىم اپارىپ قويىڭىز. اياعىڭىزدى ءجيى دەمالدىرىپ تۇرىڭىز. اياق كيىمىڭىزدى شەشىپ، اياعىڭىزگا كىشىگىرىم جاتتىعۋلار جاساپ ءجۇرىڭىز: اياعىڭىزدىڭ باسىن العا، ارتقا قيمىلداتىپ، ساعات تىلىمەن اينالدىرىڭىز.

بىرنەشە رەت قايتالاساڭىز، اياعىڭىزدىڭ شارشاعانى باسىلىپ، قان اينالىمى جاقسارىپ قالادى. تىم بيىك وكشەلى تۋفليىڭىزگە ورتوپەديالىق ۇلتاراق سالىپ كيىڭىز. اياق كيىمگە ارنالعان ارنايى سيليكون جابىستىرمالار مەن جاستىقشالاردى دا قولدانۋعا بولادى. ولار اياقتى قاجالۋدان ساقتاپ قانا قويماي، تابانعا كۇش تۇسپەۋىنە ىقپال ەتەدى.

بيىك وكشە ءمۇسىندى تىكتەپ، سۇڭعاق بويلى قىلىپ كورسەتسە دە، كوپ كيمەۋگە تىرىسىڭىز. ءوزىڭىزدى كۇتىڭىز!

alashainasy.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى