د. نازاربايەۆا حالىقتى سالىقتان جالتارماۋعا شاقىردى

بۇل تۋرالى ق ر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ كەڭەيتىلگەن القا وتىرىسىندا ق ر پرەمەر- ءمينيسترىنىڭ ورىنباسارى داريعا نازاربايەۆا ءمالىم ەتتى.

 «مەديتسينالىق ساقتاندىرۋ ءوزىن ءوزى جۇمىسپەن قامتىعان تۇرعىنداردى كولەڭكەدەن شىعارۋعا كومەكتەسەدى. رەسمي جۇمىس ىستەپ، بارشاسى سياقتى سالىق تولەپ جۇرگەن ازاماتتار سەكىلدى ءوزىن ءوزى جۇمىسپەن قامتىعان 2,7 ميلليون ادام دا تەگىن مەديتسينالىق كومەك الىپ، ولاردىڭ بالالارى اقىسىز ءبىلىم الۋدا، ماماندىققا تەگىن وقىتىلۋدا، سونداي- اق ەلدىڭ بيۋدجەتىنە ەشتەڭە دە سالماستان الەۋمەتتىك قورعاۋعا، زەينەتكەرلىككە ۇمىتتەنەدى. بۇل - ادىلەتسىزدىك. ارينە، ءبىر جاعىنان الىپ قاراعاندا مەملەكەت بۇل ءۇردىستى ەلەمەي كەلدى، سەبەبى ادامدار وزدەرىن جۇمىسپەن، تابىسپەن قامتاماسىز ەتىپ كەلدى. الايدا، ەگەر دە الەۋمەتتىك سالانىڭ جوعارى دەڭگەيگە شىعۋىن، سونىمەن قاتار ەلىمىزدە جاقسى جولدار بولۋىن قالاساق، بالالاردىڭ جاقسى ءبىلىم الىپ، قارتايعان شاعىمىزدا ءارقايسىمىز لايىقتى ومىرگە سەنىم ارتۋ ءۇشىن ءبىز سالىق تولەۋمىز كەرەك. ياعني، بۇل قادامدار بىزگە ۇناسا دا، ۇناماسا دا قاجەت»، - دەدى ۆيسە- پرەمەر.

وسى ورايدا ول وسىنداي جۇيەمەن بارشا ەلدەر قامتىلعانىن اتاپ ءوتتى. اتاپ ايتقاندا، كوپتەگەن ەلدەردە سالىق دەڭگەيى قازاقستانعان قاراعاندا ەكى- ءۇش ەسەگە جوعارىلاۋ.

«بىزدە وتە ليبەرالدى سالىقتىق ساياسات جۇزەگە اسىرىلدى. سوندىقتان دا بۇل باعىتتا بارلىعى ادىلەتتى بولۋى كەرەك. سالىق تولەپ، تۇرىقتىلىققا ۇلەس قوسۋ قاجەت»، - دەدى د. نازاربايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى