ۋكراينا مەن بەلارۋس سارىشاعاندا اسكەري وقۋ جاتتىعۋ وتكىزگىسى كەلەدى

ەسكە سالا كەتەيىك، جالپى وتىرىستا رەسەي جالعا الىپ وتىرعان سارىشاعان پوليگونىنان 1,5 ميلليون گەكتاردى جالعا بەرۋدەن شىعارۋ تۋرالى كەلىسىم قابىلدانعان بولاتىن.

 اتالعان كەلىسىمنىڭ حاتتاماسىندا پوليگون ۋچاسكەلەرىن باسقا مەملەكەتتەردىڭ دە پايدالانۋ مۇمكىندىگى قاراستىرىلعان بولاتىن. وسىعان بايلانىستى دەپۋتاتتار تاراپىنان سۇراق تۋىنداعان ەدى.

«شىندىعىندا سارىشاعان پوليگونى ەرەكشە بىرەگەي سىناق الاڭى رەتىندە الەمگە ايگىلى. سوندىقتان دا وعان سۇرانىس اسا جوعارى، ءبىزدىڭ پوليگونىمىزدا ۇرىستار وتكىزۋ، وقۋ- جاتتىعۋلار جۇرگىزۋگە نيەت بىلدىرگەن مەملەكەتتەر كوپ. ماسەلەن، ۋكراينا مەن بەلارۋس ەلدەرى دە وسىنى قالايدى»، - دەدى وقاس ساپاروۆ.

 ونىڭ ايتۋىنشا، قازاقستان مەن رەسەي اراسىنداعى پوليگوندى پايدالانۋ تۋرالى كەلىسىمدە بۇعان دەيىن ءۇشىنشى مەملەكەتتى قاتىستىرۋ تۋرالى شارت قاراستىرىلماعان. ال جاڭا حاتتامادا بۇنداي ارنايى باپ ەنگىزىلدى. «وسىعان بايلانىستى ءبىز رەسەيدىڭ كەلىسىم بەرۋى بويىنشا ءۇشىنشى ەلدەردى پوليگوندى پايدالانۋعا تارتا الاتىن بولامىز. ولارمەن جەكە كەلىسىمشارتتار جاسالادى»، - دەدى وقاس ساپاروۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى