وتىرىك ىرىستى بايلايدى
بۇل جامان ارەكەتتىڭ قايتا قايتالانباسىنا ەشكىم كەپىلدىك بەرە المايدى. اتام قازاقتىڭ "وتىرىكتىڭ قۇيرىعى ءبىر تۇتام" دەگەنىندەي، نە دە بولسا وتىرىك ءسوز بەن وتىرىكشىدەن بويدى اۋلاق ۇستاعان ءجون. سەبەبى وتىرىكشى مەن وسەكشى ەگىز. نازارلارىڭىزعا وسى تاقىرىپقا سايكەس ماقال- ماتەلدەر لەگىن ۇسىنامىز.
1. وتىرىك - قاڭباق، شىن - سالماق
2. وتىرىك ورگە باسپايدى.
3. وتىرىك ايتقان جەردە كوپ تۇرما.
4. وتىرىكشىنىڭ شىن ءسوزى زايا كەتەدى.
5. وتىرىكشى الدىمەن ءوزىن الدايدى.
6. وتىرىكشىنىڭ كۋاسى قاسىندا.
7. وتىرىكشى ءوز سوزىنە سەنبەيدى.
8. وتىرىكشى ۋادەشىل.
9. وتىرىكشى ولگەن كىسىنى كۋا ەتەدى.
10. ەكى سۋايت ءبىرىن- ءبىرى يلاندىرا المايدى.
11. ەر وتىرىك ايتپايدى، ەز وتىرىك ايتادى.
12. سور ساراڭنان، وتىرىك ارامنان شىعادى.
13. كوز كورمەسە، ءسوز قۇلاقتى الدايدى.
14. كىشىنى الداپ ۇيرەنگەن،
ۇلكەنگە دە اۋىز سالادى.
15. وتىرىكشى ايعاق قويىپ سويلەيدى.
16. الداۋ بار جەردە اقيقات جوق.
17. وتىرىكشىنى سوزىنەن ەمەس، كوزىنەن تانى.
18. كورگەنى جامان كوپتى الدار.
19. وڭاي سەنگەن وڭاي ولەدى.
20. وتىرىك - ۇيات، شىندىق - زيات.
21. الداۋ - زۇلىمدىق، الدانۋ - اڭعىرتتىق.
22. ەكى وتىرىك ءبىر انتپەن تەڭ.
23. وتىرىك ءتۇبى - شىن، باقسى ءتۇبى - جىن.
24. ادامدى الداۋ - ارىڭنىڭ الدىندا كۇنا،
اعانى الداۋ - اناڭنىڭ الدىندا كۇنا.
25. وتىرىك ايتىپ پايدا تاپساڭ،
اقىرىندا زالال تابارسىڭ.
راس ايتىپ زالال تاپساڭ،
اقىرىندا پايدا تابارسىڭ.
26. كەسەك- كەسەك داۋ، جانجال،
كەرى كەتكەننىڭ اۋىلىندا.
كەسەك- كەسەك وتىرىك،
كەرى كەتكەننىڭ اۋزىندا.
27. ەكى شىن سوزگە ءبىر جالعان ءسوز قوسسا،
جۇنتيىپ تۇرار.
ءبىر شىن سوزگە ەكى جالعان ءسوز قوسا،
بۇلتيىپ تۇرار.
28. وتكىر پىشاق قىنعا قاس،
وتىرىك ءسوز جانعا قاس.
29. دوسىڭا وتىرىك ايتپا،
دۇشپانىڭا شىنىڭدى ايتپا.
30. جىرتىق ءۇيدى جەل تابار،
وتىرىك ءسوزدى شىن تابار.
31. انىعىن ايتۋ - ادالدىق،
الا سويلەۋ - ارامدىق.
32. ادام قۇرساقتان ارىمايدى،
قۇلاقتان اريدى.
33. وتىرىكشىنىڭ ءسوزى ورگە باسپاس.
34. وتىرىكتىڭ ادىمى قىسقا.
35. وتىرىك ىرىستى بايلايدى.
36. وتىرىكتىڭ الدى - مۇز، ارتى - ور.
37. وتىرىك شىندىقتىڭ قاسىنا تۇنەيدى.
massaget.kz
