جاۋىنگەرلىك كورابلدەگى جالعىز اسكەري قىزمەتشى جانار «باتىر ارۋلاردا» باعىن سىناماق - فوتو
21814 اسكەري ءبولىمى «ورال» زىمىران- ارتيللەريالىق كورابلى بايلانىسى جاۋىنگەرلىك ءبولىمىنىڭ تەحنيگى 1-ستاتيا ستارشيناسى جانار ىبىرايەۆا قارۋلى كۇشتەردە 2011-جىلدان باستاپ قىزمەت ەتەدى. ول - جاۋىنگەرلىك كورابلدە قىزمەت اتقارىپ جۇرگەن ت م د ەلدەرى اراسىندا قارۋلى كۇشتەردەگى جالعىز ايەل.
«شتابتا قۇرلىقتا قىزمەت اتقارىپ جۇرگەن كەزىمدە تەڭىز، كورابلدەردى، رومانتيكانى اڭسادىم. ەندى «ورال» زىمىران- ارتيللەريالىق كورابلىندە قىزمەت اتقارىپ ءجۇرمىن، بايلانىستى ورناتامىن. مەن كورابلدەگى بىردەن-ءبىر ايەل اسكەري قىزمەتشىمىن جانە ەڭ باسىندا قيىندىقتار بولدى. ەكيپاج مەنىڭ قولىمنان كەلمەيدى، الىپ كەتە المايدى جانە ەڭىرەپ جىلايدى دەپ ويلادى.
الايدا، مەن ناعىز لايىقتى اسكەري قىزمەتشى ەكەنىمدى دالەلدەي الدىم. ءبىز ەكى اپتاعا جاۋىنگەرلىك كەزەكشىلىككە اشىق تەڭىزگە شىعامىز. وتكەن جىلى ءبىر ايعا ماحاچكالاعا بايقاۋعا اتتاندىق. كاسىبىمدى دۇرىس تاڭداعانىمدا ەشقانداي كۇمانىم جوق»، - دەيدى 1-ستاتيا ستارشيناسى جانار ىبىرايەۆا.
سونداي-اق، جانار - «قازاقستان قارۋلى كۇشتەرىنە - 20 جىل» جانە «ق ر ق ك ا ت ك- گە 20 جىل» مەدالدارىنىڭ يەگەرى جانە كورابلدەرىمىزدىڭ اسكەري قىزمەتشىلەرى 2-ورىن العان «كاسپي تەڭىزى-2015» تەڭىز بياتلونى بويىنشا حالىقارالىق سايىستاردىڭ جەڭىمپازى.
بيىلعى جىلى جانار ق ر قورعانىس مينيسترلىگىنىڭ مۇرىندىق بولۋىمەن وتكىزىلىپ جاتقان «باتىر ارۋلار» بايقاۋىنا قاتىسۋدى ۇيعاردى. «ءوز ۇلگى-ونەگەممەن قىزدارعا ارميادا، اسكەري-تەڭىز كۇشتەرىندە قىزمەت ەتۋگە رۋحتاندىرىپ، قانات بىتىرەتىن شىعارمىن. ادامدار اسكەري قىزمەتشى بولۋ ابىرويلى ءارى بەدەلدى ەكەنىنە كوز جەتكىزەدى»، - دەيدى ول.
ەلىمىزدىڭ قارۋلى كۇشتەرىندە ايەل اسكەري قىزمەتشىلەر اراسىندا ەكىنشى «باتىر ارۋلار» رەسپۋبليكالىق بايقاۋى باستاۋ العانىن ەستەرىڭىزگە سالا كەتەيىك. 25- ناۋرىزعا دەيىن نيەت بىلدىرگەندەر ساۋالنامانى تولتىرۋى ءتيىس. وندا ءوزى جانە ق ر قارۋلى كۇشتەرىنىڭ قاتارىنداعى اسكەري قىزمەتى تۋرالى اڭگىمەلەپ بەرۋى ابزال. ەكىنشى كەزەڭدە 2016-جىلعى ءساۋىردىڭ 1 ءى مەن ماۋسىمنىڭ 15 ءى ارالىعىندا وتەتىن داۋىس بەرۋ ارقىلى قازاقستاندىق ارميانىڭ جيىرما ۇزدىك وكىلى انىقتالادى.
