قازاقستان دامۋ بانكى بيزنەس-پروتسەستەردى وڭتايلاندىرۋ جۇمىستارىن جالعاستىرادى

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە «قازاقستان دامۋ بانكى» ا ق باسقارما ءتوراعاسى بولات جامىشيەۆ ءمالىم ەتتى.

ءتوراعانىڭ ايتۋىنشا، بىلتىرعى جىلى بيزنەس قاۋىمداستىعى بانك جۇمىسىنىڭ تيىمدىلىگى جەتكىلىكسىز ەكەنىن ايتىپ، سىنعا العان بولاتىن. وسىعان بايلانىستى بانك ءبىرقاتار ساراپشى- كونسۋلتانتتاردى تارتا وتىرىپ، بارلىق پروبلەمالى ماسەلەلەردى قايتا باعالاپ، بيزنەس-پروتسەستى جەتىلدىرۋ ۇلگىسىن ازىرلەپ شىقتى.

«بيزنەس- پروتسەستى جەتىلدىرۋ باعىتىندا ءبىز اۋقىمدى جۇمىستاردى اتقاردىق. بۇعان دەيىن ءبارى بىرىگىپ كەلگەن كليەنتتىك مەنەدجەردىڭ، كرەديتتىك ساراپشىنىڭ، مونيتورينگ جونىندەگى ماماننىڭ فۋنكسيالارى ءبولىندى.

ماسەلەن، ەندى كليەنتتىك مەنەدجەر ىقتيمال كليەنتتەردى تارتۋ جۇمىسىمەن، كرەديتتىك ساراپشى - كرەديتتىك تالداۋمەن، ءىستى قۇرىلىمداۋمەن اينالىسادى. ال مونيتورينگ مامانى جوبالارعا قاتىستى «دابىلداردى»، كەرى قۇبىلىستاردى ەرتە باستان انىقتاۋدى قولعا الادى»، - دەدى ب. جامىشيەۆ.

ءتوراعانىڭ سوزىنە قاراعاندا، كرەديتتىك تالداۋ مەن الدىن الا ساراپتاۋ ۇدەرىستەرى دە جەتىلدىرىلگەن. ماسەلەن، جوبالاردى الدىن الا قاراۋ ءبىر اپتا ىشىندە ءوتىنىم بەرۋشى تولتىرعان انكەتا نەگىزىندە قارالادى. «ياعني، ءبىز ءوتىنىم بەرۋشىدەن قاپتاعان قۇجاتتاردى سۇراتپايمىز، ولار شەكتەۋلى عانا. بۇل رەتتە ءوتىنىش جاساۋشى انكەتا تولتىرىپ، وندا ول ءوزىنىڭ جوباسىن ءوزى باعالايتىن بولادى. بۇل ۋاقىتتى ەداۋىر ۇنەمدەيدى»، - دەيدى ب. جامىشيەۆ.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى