بەلگىلى ايتىسكەر قادىر ورتالىعىنىڭ ديرەكتورى بولىپ تاعايىندالدى

ب ق و مادەنيەت، مۇراعاتتار جانە قۇجاتتاما باسقارماسىنىڭ باسشىسى داۋلەتكەرەي قۇسايىنوۆتىڭ ايتۋىنشا، وسىعان دەيىن قادىر ورتالىعىن باسقارىپ كەلگەن ءانشى-كومپوزيتور دونەدىل قاجىموۆ زەينەتكە شىعۋىنا بايلانىستى قىزمەتىنەن بوسادى.

ايتا كەتەيىك، باۋىرجان ەرگەن ۇلى بۇعان دەيىن وبلىستىق جاستار شىعارماشىلىعى ورتالىعىنا باسشىلىق ەتتى. سىرىم اۋدانىندا دۇنيەگە كەلگەن ول - ءال-فارابي اتىنداعى قازۇۋ-دىڭ جۋرناليستيكا فاكۋلتەتىنىڭ تۇلەگى.

حالىقارالىق، رەسپۋبليكالىق ايتىستاردا جەڭىمپاز-جۇلدەگەر اتانىپ ۇلگەرگەن باۋىرجان سونىمەن قاتار جازبا پوەزيامەن اينالىسادى. ونىڭ «جۇمباق قىزدىڭ جانارى» («جازۋشى» باسپاسى، 2001-جىل)، «نازىك بۇلت كوشىپ بارادى» (ورال قالاسى، 2005-جىل)، «جۇلدىز جاۋعان جارىق ءتۇن» (2012-جىل، ورال) اتتى جىر جيناقتارى جارىق كورىپ، ادەبيەتشىلەر مەن وقىرمان قاۋىمنان لايىقتى باعاسىن الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى