الەمدە قانداي ەلدەردىڭ اسكەري قۋاتى كۇشتى
رەيتينگكە 126 مەملەكەت قاتىسقان. اسكەري قۋاتتىڭ دەڭگەيىن انىقتاۋ ءۇشىن 50 دەن استام فاكتورلار ەسكەرىلگەن.
ونىڭ ىشىندە اسكەري قىزمەتشىلەر سانى، قارۋلى كۇشتەردىڭ تەحنيكامەن جانە قارۋ- جاراقپەن قامتاماسىز ەتىلۋى، ريەۆەرۆتە تۇرعان اسكەري قىزمەتشىلەر سانى، قورعانىس سالاسىنا بولىنەتىن قارجى سىندى ءبىرقاتار فاكتورلار قامتىلعان. الايدا، ارسەنالدا يادرولىق قارۋدىڭ بولۋ بولماۋى ەسەپكە الىنباعان.
سونىمەن قاتار، Global Fire Power ۇيىمى رەيتينگكە قاتىسقان ەلدەردىڭ ورنالاسقان جەرلەرىن، اسكەري تەڭىز كۇشتەرىنىڭ بولۋى نەمەسە جوق ەكەندىگىن دە ەسكەرگەن. ءارى حالىق سانىنىڭ دا، ەلدىڭ ەكونوميكالىق مۇمكىندىكتەرىنىڭ دە بۇل رەيتينگ ءۇشىن ماڭىزدىلىعىن نازاردان تىس قالدىرماپتى. ناتيجەسىندە، 2016 - جىلعى اسكەري رەيتينگتە دە كوپ وزگەرىس جوق. ادەتتەگىدەي الەمدەگى ەڭ قۋاتتى اسكەري دەرجاۆا رەتىندە ا ق ش تانىلعان.
اسكەرىنىڭ سانى، تەحنيكالىق جاراقتاندىرىلۋى مەن اسكەري بيۋدجەتى جاعىنان ا ق ش- قا جەتەتىن ەل جوق. بۇل ەلدىڭ اسكەري بيۋدجەتى 581 ميلليارد دوللاردى قۇراسا، 2014 - جىلى ەكىنشى ورىنعا شىققان رەسەيدىڭ اسكەري بيۋدجەتى بيىل 46 ميلليارد دوللار. ال، 2013 - جىلى ەكىنشى ورىنعا شىعىپ، كەيىن رەيتينگتەگى پوزيتسياسىن السىرەتىپ العان قىتاي بيىل تاعى دا ءۇشىنشى ورىندا تۇر. ءبىراق، قىتايدىڭ اسكەري بيۋدجەتى 146 ميلليارد دوللاردى قۇراپ، رەسەيدىڭ بۇل سالاعا بولەتىن قارجىسىنان ءۇش ەسەدەن استام كوپ بولىپ تۇرعان جايى بار.
رەيتينگكە وتكەن جىلى 123 مەملەكەت قاتىستىرىلسا، بيىل ولاردىڭ سانى 126 بولىپتى. ەڭ مىقتى اسكەري دەرجاۆالاردىڭ وندىعىن تۇركيا تۇيىندەپ تۇر. سونىمەن قاتار، وندىققا ا ق ش پەن رەسەي، قىتاي ۇشەۋىنەن باسقا ءۇندىستان، ۇلى بريتانيا، فرانسيا، وڭتۇستىك كورەيا، گەرمانيا، جاپونيا ەنگەن. ال، قازاقستان 66 - ورىندا تۇر.
ت م د ەلدەرىنىڭ ىشىندە قازاقستاننىڭ الدىندا ۋكراينا، بەلارۋس، وزبەكستان مەن ازەربايجان تۇر. ۋكراينا 25- ورىندا بولسا، بەلارۋس 45، وزبەكستان 54 - ورىندا. دەگەنمەن، بيىل دا رەيتينگتە كوپ وزگەرىستەر جوق.
تەك 2015 -جىلعا قاراعاندا ا ق ش- تىڭ اسكەري بيۋدجەتى 4 ميلليارد دوللارعا، قىتايدىڭ اسكەري بيۋدجەتى 10 ميلليارد دوللارعا وسسە، رەسەيدىڭ اسكەري بيۋدجەتى 14 ميلليارد دوللارعا تومەندەپتى. Global Fire Power قازاقستاننىڭ قورعانىس سالاسىنا بولگەن قارجىسىندا وزگەرىس بايقالماعانىن جازعان.
Kaznews.kaztrk.kz
