استانادا العاش رەت سەگىز مىڭعا جۋىق بالاعا بالاباقشادان ورىن بەرىلەدى
العاش رەت قالاداعى 91 مەملەكەتتىك بالاباقشاعا 8 مىڭعا جۋىق بالا قابىلدانباق، سونىڭ ىشىندە بەس مەكەمە جاڭادان اشىلسا، بىرەۋى 60 ورىنعا ەسەپتەلگەن جاپسارلاستىرا سالىنعان عيمارات، دەپ حابارلادى قالالىق اكىمدىكتىڭ باسپا ءسوز قىزمەتىنەن.
ەلوردا تۇرعىندارىنا كەزەك نومەرلەرى قابىلداۋ كەستەسىنە سايكەس بولعاندا عانا جولداما بەرىلەدى. ەگەر كەزەكتە تۇرعاندار بالاباقشاداعى ورىننان باس تارتسا، استانا قالاسىنىڭ ءبىلىم باسقارماسى جاڭادان قوسىمشا توپتاۋ تۋرالى جاريالايدى، ول ۇستىمىزدەگى جىلدىڭ 30- ناۋرىزىنا دەيىن جالعاسادى.
بيىل ناۋرىز ايىندا 240 جانە 280 ورىندىق بەس بالاباقشا پايدالانۋعا بەرىلەدى: ورىنبور كوشەسىندەگى № 86 «قادىر»؛ كومسومولسكي كەنتى ۇلپان كوشەسىندەگى № 88 «بايان سۇلۋ»؛ كومسومولسكي كەنتى قىز جىبەك كوشەسىندەگى № 89 «قىز جىبەك»؛ سىعاناق كوشەسىندەگى № 90 «ەركەجان»؛ ۇركەر ش/ا № 91 «ەڭلىك» بالاباقشاسى؛ سونداي- اق، №4 «ارۋجان» بالاباقشاسىنا جاپسارلاستىرا سالىنعان عيمارات. ءاربىر بالاباقشادا سويلەۋى بۇزىلعان، اۋتيزمى نەمەسە پسيحولوگيالىق دامۋىنىڭ تەجەلۋى بار بالالار بالالارعا ارنالعان توپ قۇرىلماق.
«قىز جىبەك» بالاباقشاسى تولىق جابدىقتالعان. مۇندا ينتەراكتيۆتى سىنىپتار، سپورت جانە اكت زالدارى، دەفەكتولوگ جانە لوگوپەد كابينەتتەرى بار.
ساۋلە اتاقانوۆا، № 89 «قىز جىبەك» بالاباقشاسىنىڭ مەڭگەرۋشىسى:
- بالاباقشانى ناۋرىز ايىندا اشۋ جوسپارلانعان. ءبىز تولىق دايىنبىز، كادرلىق الەۋەتىمىز بار، وتە جاقسى. مەكەمە 280 بالاعا ەسەپتەلگەن، سونىڭ ىشىندە ەكى توپ سويلەۋى بۇزىلعان بالالارعا ارنالادى، سوندىقتان بالاباقشادا دارىگەر- دەفەكتولوگ پەن لوگوپەد جۇمىس ىستەيدى.
ايتا كەتەيىك، زاڭدى وكىلدەرى مۇگەدەكتەر بولىپ تابىلاتىن بالالارعا؛ جەتىم، اتا- اناسىنىڭ قامقورلىعىنسىز قالعان بالالارعا؛ كوپبالالى وتباسىلاردان شىققان بالالارعا؛ اسكەري قىزمەتشىلەردىڭ، سونىڭ ىشىندە قىزمەتى بارىسىندا قازا تاپقان، قايتىس بولعان نەمەسە حابار- وشارسىز كەتكەن قىزمەتشىلەردىڭ بالالارىنا؛ ارنايى مەملەكەتتىك ورگاندار قىزمەتكەرلەرىنىڭ بالالارىنا، سونىڭ ىشىندە قىزمەتى بارىسىندا قازا تاپقان، قايتىس بولعان نەمەسە حابار- وشارسىز كەتكەن قىزمەتكەرلەردىڭ بالالارىنا بالاباقشالاردان ورىندار كەزەكتەن تىس بەرىلەدى. اتالعان ساناتقا جاتاتىن بالالارعا 1500 ورىن ءبولىندى.
سونىمەن قاتار، 4 جاسقا تولعان بالالار كەزەككە قاراماستان شاعىن ورتالىقتارعا جىبەرىلەدى. بۇل ماسەلە بويىنشا قابىلداۋ №61 ورتا مەكتەپتىڭ №116 كابينەتىندە جۇرگىزىلەدى. جەڭىلدىكتى ساناتتار بويىنشا ساۋالدارمەن دە وسى كابينەتكە جۇگىنۋگە بولادى. № 119 كابينەتتە بالالاردى مەملەكەتتىك تاپسىرىسپەن جەكە مەنشىكتى بالاباقشاعا ورنالاستىرۋ بويىنشا وتىنىشتەر قارالادى. بيىل مەملەكەتتىك تاپسىرىس بويىنشا 3 مىڭعا جۋىق بالانى قابىلداۋ كوزدەلگەن، بۇل رەتتە سومانىڭ 15900 تەڭگەسى بيۋدجەتتەن تولەنەدى، قالعان 23000 تەڭگەنى اتا- انالار بەرەدى.
ەلوردادا بالاباقشاعا توپتاۋ 15- اقپاندا باستالىپ، 11 - ناۋرىزعا دەيىن جالعاسادى.
