رەسەي ستۋدەنتتەرى وبامانى ادامزاتقا جاساعان قىلمىسى ءۇشىن سوتتاۋدى تالاپ ەتتى
بۇل تۋرالى bloknot.ru اقپارىنا سىلتەمە جاساعان ras.kz حابارلادى.
«ستۋدەنتتەردىڭ ب ۇ ۇ- عا جولداعان تالاپ-تىلەكتەرىنىڭ ىشىندە امەريكا پرەزيدەنتىن سوتتاۋ جانە ا ق ش ساياساتىن «ادامزات وركەنيەتىنىڭ باستى قاتەرى» دەپ تانۋ بار. رەسەي ستۋدەنتتەرى ب ۇ ۇ- دان باراك وبامانى اسكەري قىلمىستارى ءۇشىن سوتتاۋدى تالاپ ەتۋدە.
رەسەيدىڭ بىرنەشە جوعارى وقۋ ورىندارىنىڭ ستۋدەنتتەرى وزدەرىنىڭ بىرىككەن ۇلتتار ۇيىمىنا ارناعان ۆيدەو ۇندەۋلەرىن ينتەرنەتكە جۇكتەپ، باس حاتشى پان گي مۋننىڭ جەكە وزىنە جىبەرگەن. وندا امەريكا ليدەرى باراك وبامانىڭ وسى كەزگە دەيىن حالىقارالىق ارەنادا اتقارىپ كەلگەن ءىس-ارەكەتتەرىن مۇقيات تەكسەرۋدى جانە ونى ادامزات بالاسىنا جاساعان بارشا قىلمىستارى ءۇشىن سوتتاۋدى تالاپ ەتەدى.
«ءبىز شىن مانىندە دە ءوزىنىڭ پرەزيدەنتى تۇلعاسىندا ا ق ش- تىڭ نەگە الەمدىك سۋديا ءرولىن وزىنە الىپ وتىرعانىن تۇسىنبەيمىز، ا ق ش سونداي-اق ليۆياداعى، يراكتاعى، سيرياداعى، سونداي-اق باسقا دا كوپتەگەن ەلدەردەگى ادامدار ومىرلەرىن جالماپ، جازىقسىز قىرعىنعا ۇشىراتقاندارى ءۇشىن نەگە ەشقانداي جاۋاپكەرشىلىككە تارتىلمايدى؟ ا ق ش نەگە باسقا ەلدەردىڭ ەگەمەندىگىنە قول سۇعا بەرەدى؟»، - دەدى استراحان مەملەكەتتىك ۋنيۆەرسيتەتىنىڭ ستۋدەنتى ەكاتەرينا كونونەنكو.
ستۋدەنتتەردىڭ جالعىز ب ۇ ۇ- عا عانا ەمەس، سونىمەن قاتار گاگا حالىقارالىق سوتىنا جولداعان تالاپتارى اراسىندا امەريكا پرەزيدەنتىن سوتتاۋ عانا ەمەس، سونداي-اق ا ق ش ساياساتىن «ادامزات وركەنيەتىنىڭ باستى جاۋى» دەپ تانۋ جونىندە ماسەلە كوتەرىلگەن.
رەسەي ستۋدەنتتەرىن مۇنداي قادامعا جەتەلەگەن اق ءۇي سايتىندا جاقىندا پايدا بولعان پەتيتسيا كورىنەدى. سول پەتيتسيادا ا ق ش- تىڭ ءبىرقاتار تۇرعىندارى وبامانى اسكەري قىلمىسكەر رەتىندە جاۋاپقا تارتۋعا شاقىرعان ۇندەۋ بار ەكەن.
