تارازداعى «ماگنيت بالانىڭ» كۇشى كولىكتى توقتاتۋعا دەيىن جەتكەن
نەبارى 6 جاستاعى نۇرداۋلەت ارىستانبەكتىڭ دەنەسىندە مەتالل زاتتاردى ۇستاپ تۇرا الاتىن قابىلەتى ويلاماعان جەردەن ويانعان.
ەڭ ءبىرىنشى قاسىقتى دەنەسىنە جابىستىرا العان بالا، كەيىن پلانشەتكە دەيىن ۇستاپ تۇرا بەرەتىن قابىلەتتى ارتتىرعان دەپ جازادى قازاقستان-زامان گازەتى.
جالپى، دارىگەرلەر مۇنداي تىلسىم كۇشتىڭ بالا بويىنان ويانۋى دەنساۋلىعىنا ەش قاۋىپتى ەمەستىگىن ايتقان بولاتىن. الايدا جۋىردا نۇرداۋلەتتىڭ اناسى ايدا وڭتالاپ قىزىنا حابارلاسقانىمىزدا، بالاسىنىڭ ءجيى سىرقاتتانىپ جۇرگەنىن ايتتى.
«ءبىر تاڭقالارلىعى، بالامنىڭ دەنە قىزۋى كوتەرىلگەندە ءوزىمنىڭ اياق-قولىمدى ۇستاتسام، قىزۋى باسىلىپ، ۇيقىعا كەتەدى. ءبىراق بالامنىڭ قولى تيگەن جەرلەر كۇيىپ قالعانداي، ءتۇسىن وزگەرتەدى. ۇلىمنىڭ بويىنداعى بۇل قاسيەت كىشى قىزىما دا اسەر ەتپەي قويمادى. ەندى عانا ءتاي-ءتاي باسىپ جۇرگەن قىزىمنىڭ دەنەسىن نۇرداۋلەتىم ءبىر-ەكى مارتە ۇستاپ ەدى، قازىر ول دا وزدىگىنەن دارەتكە باراتىن، ءتىپتى ىمداپ تاماق سۇرايتىن تۇيسىگى وياندى. بۇعان ءبارىمىز تاڭقالىپ وتىرمىز. ءبىراق بالامنىڭ دەنساۋلىعى ءبارىبىر الاڭداتپاي قويمايدى»، - دەيدى جاس انا.
ءيا، شىنىندا دا، بۇل تاڭقالارلىق جاعداي ەكەن. تاعى ءبىر ايتا كەتەرلىگى، نۇرداۋلەتتىڭ دەنە قىزۋى كوتەرىلگەن سايىن، ونىڭ ماگنيتتىك كۇشى ارتاتىن كورىنەدى. قازىر بالا ءبىر ۋىس ءۇي كىلتتەرىن جانە اۋىر تەمىرلەرگە دەيىن دەنەسىنە جابىستىرا الاتىن قابىلەتكە يە بولىپتى. سونداي-اق، كولىككە وتىرسا، تەحنيكا قۇرىلعىلارى ىستەن شىعىپ، كولىك جۇرمەي قالادى ەكەن.
بۇدان بولەك، نۇرداۋلەت وقىپ جاتقان 29№ مەكتەپ ۇستازدارىنىڭ ايتۋىنشا، ونىڭ مەكتەپ باعدارلاماسىن قابىلداۋى تىم زەرەك كورىنەدى. ءتىپتى، ول ءبىر اپتانىڭ ساباعىن العا وقىپ، كوبەيتۋ كەستەسىن دە جاتتاپ الىپتى. مۇنداي قاسيەتكە قازىر مەكتەپ مۇعالىمدەرىنىڭ ءوزى تاڭقالىپ وتىر. ولاردىڭ سوزىنە سەنسەك، قازىر بالاعا مەكتەپكە دەيىنگى دايارلىق ساباقتارى مۇلدە قىزىق ەمەس ەكەن. ونىڭ ساناسى سۇرانىپ تۇرعانى مۇلدە جوعارى سىنىپتاردىڭ باعدارلاماسى دەيدى مۇنداعىلار.
