استانادا «ابۋ-دابي پلازا» كەشەنىندەگى ءورتتى باعالاۋ ءۇشىن تىكۇشاقتى پايدالانۋدا - كەسكىن
بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلادى.
ەسكە سالا كەتەيىك، «ابۋ-دابي پلازا» كوپسالالى كەشەنىندە شىققان ءورت سالدارىنان قۇتقارۋشىلار 120 جۇمىسشىنى قاۋىپسىز جەرگە شىعاردى. ءورت ساعات 08:25 اۋىزدىقتالدى. وقيعا ورنىنا ءى ءى م گەنەرال-پولكوۆنيگى ق. قاسىموۆ جانە ءمينيستردىڭ ورىنباسارى ۆ. بوجكو كەلدى.
رۋسلان يمانقۇلوۆتىڭ ايتۋىنشا، بۇگىن ساعات 4:40 كەزەكشى بولىمگە «Abu Dabi Plaza» كەشەنىندەگى ءورت تۋرالى حابار تۇسكەن. حابارلاما تۇسكەننەن كەيىن 10 مينۋت ىشىندە ءورت ءسوندىرۋ قىزمەتى وقيعا ورنىنا جەتتى. ءتورت جاۋىنگەرلىك ۋچاسكە قۇرىلدى، ونىڭ ەكەۋى - بۇل 40 ءورت ءسوندىرۋشى عيماراتتىڭ ىشىندە ءتىلسىز جاۋمەن ارپالىسىپ جاتىر. ءورت سوندىرۋشىلەر 120 جۇمىسشىنى قاۋىپسىز جەرگە شىعاردى. جاپا شەككەندەر جوق.
ونىڭ سوزىنە قاراعاندا، جالىنمەن كۇرەسكە بيىك عيماراتتارداعى ءورتتى سوندىرۋگە ارنالعان تەحنيكا تارتىلدى. ءتىلسىز جاۋدى اۋىزدىقتاۋعا 78 ءورت ءسوندىرۋشى مەن 27 ءورت ءسوندىرۋ تەحنيكاسى جانە استانا قالالىق ءى ءى د 12 تەحنيكاسى مەن 24 ادامى جۇمىلدىرىلدى. ءورت سوندىرۋشىلەر كەلگەنشە 11 قاباتتان 25 قاباتقا دەيىن ورتەنىپ جاتتى.
«پودەزد جولدارى بولماعاندىقتان جالىنمەن ارپالىسۋ قيىن سوقتى. الدىن الا مالىمەت بويىنشا، ءورت گاز باللونداردىڭ جارىلۋىنان شىققان. جالىننىڭ شىعۋ سەبەپتەرى انىقتالىپ جاتىر. نىسانداعى ءورت قاۋىپسىزدىگىن «نيكا ستروي سەرۆيس» ج ش س قامتاماسىز ەتكەن، - دەلىنگەن حابارلامادا.
«ابۋ-دابي پلازا» - استانا قالاسىندا سالىنىپ جاتقان ءتۇرلى قاباتتى بىرنەشە عيماراتتان تۇراتىن كوپسالالى كەشەن.
ىرگەسى قالانعان سوڭ «ابۋ-دابي پلازا» قازاقستان مەن ورتالىق ازياداعى ەڭ بيىك عيمارات بولماق. مۇنارانىڭ ۇشى 88- قاباتتا بولادى - بۇل شامامەن 382 مەتر بيىكتىكتە.
