ازەربايجانداعى قازاقستان ەلشىلىگىنىڭ جاڭا عيماراتىندا ق ر مەملەكەتتىك تۋى كوتەرىلدى - فوتو
ەلشىلىكتىڭ جاڭا عيماراتى قازاقستان مەنشىگىندە جانە قازاقستاننىڭ شەتەلدەردەگى ديپلوماتيالىق وكىلدىكتەرىنىڭ، سونداي-اق ازەربايجاندا تىركەلگەن بارلىق شەتەلدىك مەكەمەلەردىڭ اراسىنداعى ادەمىلەرىنىڭ ءبىرى.
سالتاناتقا قازاقستاندىق ديپلوماتتار، ازەربايجاندىق جانە باسقا دا شەتەلدىك جۋرناليستەر قاتىستى.
قازاقستان ەلشىلىگىنىڭ جاڭا عيماراتى باكۋ قالاسىنداعى نادجافگۋلۋ رافيەۆ، 10 مەكەنجايىندا ورنالاسقان. بۇدان بۇرىن ديپميسسيا گاسان اليەۆ كوشەسىندەگى عيماراتتى جالداپ تۇرعان بولاتىن.
ەسكە سالا كەتەيىك، ازەربايجان مەن قازاقستان اراسىندا ديپلوماتيالىق ميسسيالار عيماراتتارى ءۇشىن جەر ۋچاسكەلەرىمەن الماسۋ شارتى جاسالعان.
قازاقستان دا ازەربايجان ەلشىلىگىنىڭ مەنشىگى قۇرىلىسىنا جەر تەلىمىن بولگەن.
