گەرمانيادان الماتىعا كەلگەن سالەمدەمەدەن ەسىرتكى شىقتى

مەكەمەنىڭ رەسمي سايتىندا حابارلانعانداي، فيزيكا-حيميالىق ساراپتاما جۇرگىزۋ بارىسىندا قوراپتا سالماعى 20 كەلىلىك كۇشتى اسەر ەتەتىن - فەنتسيكليدين (قىسقاشا ر س ر) ەسىرتكىسى تابىلعان.

فەنتسيكليدين - سينتەتيكالىق فارماكولوگيالىق پرەپارات. ۇيىقتاتۋ، كۇرە تامىرعا سالىناتىن ناركوز رەتىندە پايدالانىلادى. فەنتسيكليديندى پايدالانۋ پسيحيكاعا اسەر ەتەدى: دەل-سالدىق، ومىردەن ءتۇڭىلۋ سەزىمدەرى پايدا بولادى. فەنتسيكليديننىڭ اسەر ەتۋى 2 ساعاتتان 24 ساعاتقا دەيىن جەتەدى. قازىرگى تاڭدا الەمدە بۇل زاتتى وندىرۋگە ءۇزىلدى-كەسىلدى تىيىم سالىنعان. ر س ر زاڭسىز اينالىمعا 1967-جىلى شىعارىلعان. ونىڭ سونداي-اق Peace pill، پەرىشتە شاڭى (Angel dust), HOG, Killer weed, KJ, Embalming fluid, Rocker fuel, Sherms سەكىلدى «كوشەلىك» اتاۋلارى بار.

«بۇل حالىقارالىق پوشتا جونەلتىلىمى گەرمانيادان ترانزيتپەن الماتى ارقىلى بىشكەككە باعىتتالعان بولاتىن. الدىن الا بولجام بويىنشا بۇل تاۋار بۇكىل ەۋرازيالىق ەكونوميكالىق وداق ەلدەرىنە تاراتۋعا ارنالعان.

2016-جىلدىڭ باسىنان بەرى الماتى قالاسىندا ىشىندە ەسىرتكى-پسيحوتروپتىق زاتتار بار دەگەن كۇدىكپەن (ۇنتاقتار، سۇيىقتىقتار) 12 سالەمدەمە تاركىلەنىپ، بەرىلدى، - دەلىنگەن حابارلامادا.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى