ۇلى بريتانيادا «جۇلدىزدار سوعىسىن» تۇسىرگەن كومپانيا اكتەردىڭ قاۋىپسىزدىگىن ساقتاۋعا نەمقۇرايدى قاراعانى ءۇشىن سوتقا بەرىلدى

 وعان ءتۇسىرۋ الاڭىندا اكتەر حارريسون فوردتىڭ اياعىن سىندىرىپ الۋى جانە تاعى سەكىلدى ءتورت ايىپتاۋ سەبەپ بولعان.

 ەكى جىلدان ءوتىپ كەتسە دە شەنەۋنىكتەر كومپانيانى سوتقا تارتىپ جاتىر. العاشقى سوت وتىرىسى 12 - مامىردا وتىلەدى دەپ كۇتىلۋدە.

«زاڭ بويىنشا جۇمىس بەرۋشى قىزمەتكەرىن قورعاۋدىڭ بارلىق ءىس- شارالارىن قولعا الۋى ءتيىس. بۇل زاۋىتتاعى ءوندىرىس الاڭىنا عانا ەمەس، سونداي- اق ءتۇسىرىلىم الاڭىنا دا قاتىستى. ءبىز تەكسەرۋ جۇرگىزدىك، ءىستى سوت تالقىسىنا اكەلۋگە بارلىق نەگىز بار دەپ سانايمىز»، دەلىنگەن اتالمىش كوميتەتتىڭ مالىمدەمەسىندە.

 شەنەۋنىكتەر بريتاندىق زاڭناماعا سايكەس، Foodles Productions كومپانياسى ءتۇسىرىلىم بارىسىندا تۋىنداۋى مۇمكىن قاتەرلەردى ەسكەرۋ، بولدىرماۋعا جاۋاپتى ەكەندىگىن العا تارتۋدا.

ەسكە سالا كەتسەك، 2014 -جىلى 12 - ماۋسىمدا ءتۇسىرىلىم كەزىندە اكتەر فوردتىڭ اياعىنا جۇلدىز كەمەسىنىڭ ەسىگى قۇلاپ كەتكەن. اياعى سىنعان اكتەردى كەيىن كينوعا تەك بەلىنەن جوعارى عانا ءتۇسىرىپتى.

«جۇلدىزدار سوعىسى» كۇشتىڭ ويانۋى» فيلمىن جۇرت قىزىعا تاماشالادى، بۇل كينو الەم بويىنشا «اۆاتار» مەن «تيتانيك» تەلەتۋىندىسىنان كەيىن 2 ميلليارد دوللاردان استام تابىس تاپقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى