قازاقستاندا سپورتتاعى دوپينگپەن كۇرەس بويىنشا تاۋەلسىز كوميسسيا قۇرىلدى
تاۋەلسىز كوميسسيانىڭ جۇمىسى قازاقستانداعى دوپينگكە قارسى جۇيەنىڭ جەتىلۋىنە ىقپالداسادى، دەپ حابارلادى ق ر ۇ و ك باسپا ءسوز قىزمەتىنەن.
قازىر كوميسسيا ءوز جۇمىسىن الماتىدا ورنالاسقان ۇلتتىق دوپينگكە قارسى ورتالىق پەن دوپينگكە قارسى زەرتحانانىڭ جۇمىسىن باقىلاۋعا باعىتتايدى. ولاردىڭ دوپينگكە قارسى حالىقارالىق قوزعالىستارمەن ءوزارا ارەكەتتەستىگىنىڭ مەحانيزمدەرىن قاراستىرادى.
«دوپينگكە قارسى تاۋەلسىز كوميسسيا قۇرۋدىڭ نەگىزگى ماقساتى قازاقستان رەسپۋبليكاسىنداعى دوپينگكە قارسى باقىلاۋ جۇيەسىن جەتىلدىرۋ مەن «تازا سپورتشىلاردى» قورعاۋدى كۇشەيتۋ بولماق. كوميسسيا مۇشەلەرىنىڭ قاتارىندا سپورت قوعامداستىقتارىنىڭ جانە ۇكىمەتتىك ەمەس ۇيىمداردىڭ وكىلدەرى، مەديتسينا قىزمەتكەرلەرى، زاڭگەرلەر بار.
كەيىن ونىڭ قۇرامىنا حالىقارالىق دەڭگەيدەگى دوپينگكە قارسى قوزعالىس ساراپشىلارىن ەنگىزۋدى جوسپارلاپ وتىرمىز. قازاقستاندىق تاۋەلسىز كوميسسيا دۇنيەجۇزىلىك دوپينگكە قارسى اگەنتتىكپەن (WADA) ىقپالداسىپ جۇمىس ىستەيدى»، - دەپ اتاپ ءوتتى قازاقستاننىڭ ۇلتتىق وليمپيادا كوميتەتىنىڭ پرەزيدەنتى تيمۋر قۇلىبايەۆ.
