قازاقستان سوڭعى بەس جىلدا العاش رەت جۇلدەسىز قالدى

«ا» توبىندا ويناعان قازاقستان ءبىرىنشى تۋردا رەسەيگە جەڭىلىپ قالدى (1:9). ال ەكىنشى ويىندا شۆەتسيالىق حوككەيشىلەرگە (4:11) ەسە جىبەردى. ءۇشىنشى تۋردا جارىستاعى باس باسەكەلەسىمىز فينليانديا قۇراماسىن جەڭگەن (5:4) ەدىك.

پلەي-وفف باسەكەسىندە «ب» توبىندا ەكىنشى ورىن العان نورۆەگيا قۇراماسى قازاقستاندىق بەنديشىلەرگە قارسىلىق تانىتا المادى (11:3). جارتىلاي فينالدا تاعى دا رەسەيلىك بەنديشىلەرگە جول بەردىك (6:16). ال ەكىنشى جارتىلاي فينالدا فينليانديا قۇراماسى سەنساتسيا جاسادى.

شۆەتسيا قۇراماسىن 3:2 ەسەبىمەن جەڭىپ، سوڭعى بەس جىلدا العاش رەت فينالعا شىعۋشى كوماندالار ءتىزىمىن اۋىستىردى (سوڭعى بەس جىلدا تەك رەسەي مەن شۆەتسيا عانا فينالدا ويناعان).

ءۇشىنشى ورىن ءۇشىن بولعان ويىندا قازاقستان قۇراماسى 0:4 ەسەبىمەن شۆەتسياعا جول بەردى. ال فينالدىق كەزدەسۋدە رەسەي قۇراماسى فينليانديادان باسىم ءتۇستى.

ەستەرىڭىزگە سالا كەتەيىك، قازاقستان 2012-جىلدان بەرى الەم چەمپيوناتىنىڭ تۇراقتى قولا جۇلدەگەرى اتانعان. ال فينلياديا سوڭعى رەت 2011-جىلى فينالدا ويناعان. ۇزدىك تورتتىكتىڭ ىشىندە رەسەي قۇراماسى عانا سوڭعى جەتى جىل قاتارىنان فينالدا ويناعان.

«الامان»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى