الماتىدا يران مادەنيەتى كۇنى ءوتتى

بۇل تۋرالى بۇگىن اتالعان جوعارى وقۋ ورنىنىڭ باسپا ءسوز قىزمەتىنەن حابارلادى.

شاراعا يران يسلام رەسپۋبليكاسىنىڭ الماتىداعى باس كونسۋلى امير رەزا دارابيان، يران مادەني وكىلدىگىنىڭ الماتى قالاسىنداعى جاۋاپتى باسشىسى مادجيد كامراني، يراندىق پروفەسسورلار جانە قىزدار ۋنيۆەرسيتەتىنىڭ باسشىلىعى مەن وقىتۋشىلارى قاتىستى.

داستۇرگە اينالعان ءىس-شارانى ۇيىمداستىرۋداعى باستى ماقسات - ۋنيۆەرسيتەتتە پارسى ءتىلىن مەڭگەرىپ جاتقان ستۋدەنتتەردى تاريحى تامىرلاس يران ەلىنىڭ مادەنيەتىمەن جاقىنىراق تانىستىرۋ.

يران مادەنيەتى كۇنىنىڭ اشىلۋ سالتاناتىندا امير رەزا دارابيان مىرزا قىزدار ۋنيۆەرسيتەتىنىڭ ستۋدەنتتەرىنە يراندا ءبىلىم الۋعا ەكى تەگىن وقۋ گرانتىن ۇسىناتىندىعان ايتىپ، قۇران كارىمنىڭ كيەلى دۇعاسى جازىلعان كارتينانى سىيعا تارتتى. ءوز كەزەگىندە قىزدار ۋنيۆەرسيتەتىنىڭ ءبىرىنشى پرورەكتورى باحودير اليەۆ جاستارعا تاعىلىمدى لەبىزدەر ايتىپ، ەكى ەل اراسىنداعى مادەني بايلانىستىڭ نىعايىپ جاتقاندىعىنا ريزاشىلىعىن ءبىلدىردى.

مادەني ءىس- شارا بارىسىندا يراننان كەلگەن «جۆانا» حالىق اسپاپتار توبىنىڭ شاعىن مۋزىكالىق كونسەرتى ءوتتى. وندا قىزدار ۋنيۆەرسيتەتىندە «شەتەل ءتىلى: ەكى شەتەل ءتىلى» ماماندىعى بويىنشا ءبىلىم الىپ جاتقان ستۋدەنتتەر پارسى تىلىندە ءبىرقاتار اندەردى انسامبلمەن بىرگە شىرقادى.

ەكى مەملەكەت اراسىنداعى دوستىق، قۇرمەت، پاراسات پەن ىنتىماقتاستىقتىڭ ايعاعىنا اينالعان شارا اياسىندا يران يسلام رەسپۋبليكاسىنىڭ ۇلتتىق قولونەر بۇيىمدارىنىڭ كورمەسى دە بولىپ ءوتتى.

ايتا كەتەيىك، قىزدار ۋنيۆەرسيتەتى يران يسلام رەسپۋبليكاسىمەن 2003 -جىلدان بەرى بايلانىس ورناتقان. سول جىلداردان بەرى وقۋ ورنىندا پارسى ءتىلى وقىتىلىپ كەلەدى. يران ەلشىلىگىنىڭ قولداۋىمەن مۇندا 2012 -جىلى پارسى ءتىلى ورتالىعى دا اشالعان. قازىرگى تاڭدا قىزدار ۋنيۆەرسيتەتىندە پارسى ءتىلىن مەڭگەرىپ جاتقان ستۋدەنتتەر سانى 30 دان 100 گە جەتتى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى