ساياحاتتاۋعا تۇرارلىق الەم ەلدەرىنىڭ ەڭ كورىكتى قالالارى - فوتو

بۇل تۋرالى adme.ru حابارلايدى.

مىنا كوركەم قالا ماروككونىڭ سولتۇستىك بولىگىندە ورنالاسقان. قالا اشىق كوك جانە قانىق كوك ءتۇستى ۇيلەردەن قۇرالعان. اسپان تۇستەس قالا 1930 -جىلدارى كوشىپ كەلگەن ەۆرەي بوسقىنداردىڭ ارقاسىندا پايدا بولعان. ولار كوك ءتۇس ارقىلى اسپان مەن قۇدايدى ەسكە الىپ تۇرادى. ول كەزدەرمەن سالىستىرعاندا ەۆرەيلەر سانى ازايىپ كەتسە دە، مەرەكە كۇندەرى ۇيلەردى كوك تۇسپەن بوياۋ ءداستۇرى ءالى ساقتالعان.

زونتتار(قولشاتىرلار) الەمى. اگەدا (پورتۋگاليا)

مۇندا ەڭ العاش رەت ادەمى زونتتار 2012 -جىلى پايدا بولدى. جىل سايىن زونتتار وزگەرىپ، جاڭارىپ وتىرادى. ادەمى زونتتار كوزدىڭ جاۋىن قانا قويماي، ادامداردى كۇننەن قورعايدى. تۇرعىندار بۇل قالاعا مەري پوپپينس كەلدى دەپ ازىلدەيدى ەكەن.

سىيقىرلى كىلەمدەر الەمى لا- وروتاۆا (تەنەريفە)

جىل سايىن ماۋسىم ايىندا Corpus Christi مەرەكەسىنە وراي كوشەگە الىپ كىلەمدە توسەلەدى. وندا ۆۋلكاندى قۇمنىڭ سۋرەتتەرى بولادى. سۋرەتتى 10 ادام ءجۇرىپ 40 كۇن ىشىندە 23 تۇستەن دايىندايدى. 2006 -جىلى بۇل جەرگە 950 شارشى مەتر كىلەم توسەلىپ، گيننەستىڭ رەكوردتار كىتابىنا ەنگەن بولاتىن.

ۆيللا دە گراسيا، بارسەلونا (يسپانيا)

بارسەلونانانىڭ بۇل ايماعى تامىز ايىندا وتەتىن Festa Major بايقاۋى كەزىندە كورىكتى مەكەنگە اينالادى. مەرەكەگە وراي تۇرعىندار ءوزارا اقىلداسا كەلە كوشەنى كورىكتەندىرۋگە كىرىسەدى. ولار كوشەنى بەلگىلى ءبىر تاقىرىپقا ساي بەزەندىرەدى. بەزەندىرۋ ءتۇرى ولاردىڭ ءوز قيالىنان تۋىپ جاتادى.

بولىنگەن تاستار كوشەسى ەنسحەدە (گوللانديا)

Roombeek - ەنسحەدە قالاسىنداعى ساۋدا كوشەسى. ونىڭ تاعدىرى مۇڭدى ءارى، سونىسىمەن دە كەرەمەت. 2000 -جىلى مۇندا وتشاشۋ قويماسى جارىلىپ، سالدارىنان 650 ءۇي مەن كوشە زارداپ شەككەن. بىرنەشە جىلدان كەيىن اۋدان قايتا قالپىنا كەلتىرىلىپ، جەراستى جىلعاسى جاسالدى. ديزاينەرلەر بولىنگەن تاستار سەكىلدى وتكەل ءتۇرىن جاساعان. تاستار قىس كەزىندە جارىلعان مۇز سەكىلدى كورىنەدى.

كونە قالا ليجيان (قىتاي)

 كونە ليجيان قالاسى ەسكى قالا جانە جاڭا قالا دەپ ەكىگە بولىنەدى. جەرگىلىكتى تۇرعىنداردىڭ ايتۋىنشا، قالا سۋدىڭ، ال سۋ قالانىڭ ارقاسىندا پايدا بولعان. يۋيتسيۋانحە وزەنى قالا بويىمەن اعاتىن ءۇش ارنادان تۇرادى. سوندىقتان وزەن بويىندا وتكەلدەر مەن شاعىن كوپىرلەر كوپتەپ كەزدەدى. جانە ولار ادامداردى تابيعاتپەن بايلانىستىرىپ تۇرادى.

 



البەروبەللو، اپۋليا، يتاليا

 بۇل قالا ترۋللي ۇيلەرىمەن ماقتانادى. ترۋللي -  ءۇشبۇرىشتى شاتىرلانعان ۇيلەر. ءمۇنداي ۇيلەردى الەمنىڭ ەش جەرىنەن كەزدەستىرە المايسىز. ۇيلەردىڭ شاتىرىن تاستاردان قالايدى. ترۋللي ۇيلەرى ءبىر بىرىنە وتە ۇقساس بولعانىمەن ولار ەرلەر مەن ايەلدەردىكى بولىپ بولىنەدى. سونداي- اق، ۇيلەر تاستاردى قالاۋىنا دا، شەبەردىڭ بەلگىلەرىنە قاراپ تا ەرەكشەلەنەدى.

لومبارد- ستريت (سان- فرانسيسكو، ا ق ش)

بۇل قالاعا تۋريستەردى مىندەتتى تۇردە اپارادى. قالا تۇرعىندارى بۇل قالانى الەمدەگى ەڭ قيسىق كوشە دەپ اتايدى. ونىڭ كەيبىر بولىگى ورىس بەلەسىنە قارايدى. بۇل كوشەلەردە جىلدامدىقتى 8 ك م/ساعاتتان اسىرماۋ ءۇشىن ساۋلەتشىلەر 8 بۇرىلىس جولدارىن جاساعان.

Stan.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى