اش- جالاڭاش پورتالدار
وسىعان وراي كەڭىستىگىمىز جاقسى دۇنيەلەرمەن تولىعۋ كەرەك ەدى. ءبىراق، ولاي بولماي تۇر. قۇدى دۇنيە جوق. ءبارى سول ءجاميلا جەڭەشەمنىڭ اينالاسىندا. جۇماكۇل اپامنىڭ دەڭگەيىندە. تۇنعان وسەك. الدەقانداي جۇلدىز جەل شىعارىپ قويسا جەتى مينۋتتا جەتپىس جەتى سايتتا جاريالانادى. بىرىنەن- ءبىرى كوشىرەدى. ارىپتەستەرىمىز كەزىندە انشىلەر مەن اكتەرلارعا كۇلۋشى ەدى. كۇلەتىن-اق ءجونى بار ەدى. ەندى كەرىسىنشە اكتەرلار مەن انشىلەر جۇرنالشى قاۋىمعا كۇلسە بولادى. كۇلەتىن-اق ءجونى بار. جازاتىنىمىز مىنا. ءىزتۋعان ءىشىپتى، تۇرسەكەڭ تىشىپتى، قۇراعاڭ قىسىپتى. نە ال؟ ءبىر تانىمدىق دۇنيە جوق. ىلعي ساناڭدى لاستايتىن، جانىڭدى بىلعايتىن، كوڭىلىڭدى كىرلەتەتىن اقپارات.
وسىندا وتىرعان جۇرتتىڭ كوبى دە سول. لاس دۇنيەنى تاراتۋعا، جاريالاۋعا اسىق تۇرادى. نە دەگەن ەكىجۇزدى ادام دەيمىن. «مىناۋ نە سۇمدىق» دەپ جاناشىر كەيىپپەن ءبىر سويلەم جازىپ، سول سۇمدىقتى جاريالاپ جاتادى. شىنىمەن جانىڭ اشىسا سول دۇنيەنىڭ جاريالانباي، سول جەردە قالۋىنا سەبەپ بولساڭشى دەيمىن. ءتورت-بەس جىلدان بەرى مەنىمەن دوس بولىپ جۇرگەن ادامدار ايتىڭىزدارشى، مەنىڭ پاراقشامنان سونداي ءبىر نارسە كورگەن كەزىڭىز بار ما؟ بىرەۋدىڭ ابىرويىن تومەندەتەتىن، بىرەۋدىڭ شالىس باسقان ءساتىن كوبەيتكەن، تاراتقان، جاريالاعان ءساتىم بار ما؟ جوق دەپ ايتا الامىن. ويتكەنى مەن ولاي ەتكەن جوقپىن. ماعان نە ءۇشىن كەرەك ول؟ ويتكەنى مەن قۇلاپ جاتىپ سۇرىنگەنگە كۇلەتىندەردىڭ قاتارىنان تابىلعىم كەلمەيدى.
مىسالعا ءۇش اپا سىرا ءىشىپ وتىرعان سۋرەتتى تاراتپاعان ادام جوق. ءجا، ول اپالاردىكى دۇرىس ەمەس. ءبىراق، سونى تاراتقاندا ەل نە تاپتى؟ بىرەۋدىڭ اپاسىنىڭ ابىرويسىزدىعىن جاريالاعاندا ءوزىنىڭ اپاسىنىڭ ابىرويى كوتەرىلدى ما؟ جوق. وندا نەگە؟ سول باياعى قاتىندىق، وسەكشىلدىك. تانىمالدىلىعى تومەندەپ، بىرتە-بىرتە ۇمىتىلىڭقىراپ بارا جاتقان باۋىرجان يبراگيموۆتى ءبىر تۇندە قايتادان جۇلدىز قىلعان دا وسى ءبىر وسەككە قۇمارلىعىمىز. اينالايىندار-اۋ، ەۆروپادا تۇرىپ جاتقان جوقپىز عوي. بوقتاسا نە بوپتى. ونسىزدا بوق قوعامدا ءومىر ءسۇرىپ جاتقان جوقپىز با؟ سونى ءتۇسىرىپ وتىرعان جىگىت، جىگىت بولسا سوتكاسىن قوسىپ، ءۇنسىز ۆيدەوعا ءتۇسىرىپ وتىرعانشا، باۋىرجانعا بارىپ، اۋزىڭا يە بول دەپ نەگە ايتپايدى. ءجارايدى، قىز دەيىك. سول قىز ءتۇسىرىپ ۆاتساپپەن دوسىنا تاراتقان ەكەن. ونى نەگە ءبىزدىڭ پارتالدار شۋىلداتىپ الا جونەلدى.
شىن مانىنە كەلگەندە ءبىزدىڭ وسى ءبىر ينتەرنەت سايتتاردىڭ بارلىعى ۋرنا بولدى. قوقىس جاشىگى. ەگەر ءسىز ءوزىڭىزدى رۋحاني بومجبىن دەپ ساناماساڭىز، ونداي قوقىس جاشىكتەرىنەن اۋلاعىراق ءجۇرىڭىز... كىر نارسە جۇققىش كەلەدى. قايتەسىز بەكەرگە كىرلەپ. وناندا گۋگلعا ءاسيا باعداۋلەت قىزى دەپ تەرىپ، سول نە جازسا دا وقي وتىرىڭىز.
ال، ءبىردى- ەكىلى اتى مەن زاتى بار پورتالداردان باسقا سايتتاردىڭ رەداكتورلارى سىزدەر مۋسروۆوزسىزدار! جەتە مە؟
بەيبىت سارىبايدىڭ facebook-تاعى پاراقشاسىنان
