قازاقستان تاراپى يرانعا ەت ەكسپورتىن باستايدى
بۇل تۋرالى اتالعان پالاتانىڭ باسپا ءسوز قىزمەتىنەن حابارلاندى.
اتاپ ايتقاندا، بۇل يران ەلىنەن سانكسيالار الىنعاننان كەيىن ەكى مەملەكەت اراسىنداعى ءبىرىنشى شارت بولىپ وتىر. وسى كەلىسىم قازاقستان دەلەگاتسياسىنىڭ تەگەرانعا ىسكەرلىك ساپارىنىڭ اياسىندا جاسالىپ وتىر.
ىسكەرلىك كەڭەستىڭ بارىسىندا قازاقستاندىق كومپانيا مەن يراندىق كاسىپكەرلەر اراسىندا ءتيىستى كەلىسسوزدەر جۇرگىزىلدى.
«قازاقستان مەن يراننىڭ بيزنەس-قوعامداستىعى ىنتىماقتاستىققا ەلەۋلى قىزىعۋشىلىق تانىتىپ وتىر. وسى قارقىنمەن ءبىزدىڭ ەلدەردىڭ ساۋدا-ەكونوميكالىق قاتىناستارىن ارتتىرا الاتىنىمىزعا سەنىمدىمىن. وسى ورايدا اگرو ونەركاسىپتىك كەشەن مەن ازىق-تۇلىك ونەركاسىبى سالالارىنداعى قازاقستاننىڭ كاسىپكەرلەرىن بايلانىستاردى بەلسەندى تۇردە وربىتۋگە شاقىرامىن، سەبەبى بۇل باعىتتا ەلىمىزدىڭ الەۋەتى وتە جوعارى»، - دەدى قازاقستاننىڭ سىرتقى ساۋدا پالاتاسىنىڭ باسقارما ءتوراعاسى مەيىربەك ءماجيتوۆ.
اۆتور: رۋسلان عابباسوۆ
