وزبەكستاندا ىزدەۋدە جۇرگەن قىلمىسكەر كوكشەتاۋدا قولعا ءتۇستى
پوليتسەيلەردىڭ مالىمەتى بويىنشا «سالەمەتسىز بە، مەن ءسىزدىڭ ۋچاسكەلىك پوليتسيا ينسپەكتورىمىن» الدىن الۋ شاراسى بارىسىندا ۋچاسكەلىك پوليتسيا ينسپەكتورلارى مەن كوكشەتاۋ قالالىق ءى ءى ب كوشى-قون پوليتسيا قىزمەتكەرلەرى بىرلەسىپ جۇرگىزگەن ءۇي-ءۇيدى تەكسەرۋ جۇمىستارى بارىسىندا جەكە باسىن كۋالاندىراتىن قولىندا ەش قۇجاتى جوق كۇدىكتى ەر ادام قولعا ءتۇستى.
«تەكسەرىس بارىسىندا ەر ادامنىڭ 1986-جىلعى شەتەل ازاماتى ەكەنى جانە وزبەكستان رەسپۋبليكاسى ءاندىجان وبلىسىنىڭ ءى ءى ب ىزدەۋىندە جۇرگەن قىلمىسكەر ەكەنى انىقتالدى»، دەپ كورسەتىلگەن حابارلامادا.
سونىمەن قاتار، ۇستالعان ازاماتتىڭ 2015-جىلى وڭتۇستىك قازاقستان وبلىسىنداعى «چەرنيايەۆكا» وتكىزۋ باقىلاۋ پۋنكتى ارقىلى ق ر مەملەكەتتىك شەكاراسىن زاڭسىز كەسىپ وتكەنى انىقتالدى. وسىلايشا، ول ءوزىنىڭ ارەكەتىمەن ق ر ق ك 392- بابى بويىنشا (ق ر مەملەكەتتىك شەكاراسىن زاڭسىز قاساقانا كەسىپ ءوتۋ) ايىپتالىپ وتىر.
قازىرگى كەزدە، پوليتسەيلەر قولعا تۇسكەن شەتەلدىك ازاماتقا قاتىستى پروتسەسسۋالدىق شەشىم شىعارۋدا.
اۆتور: اسلان وسپانوۆ
