ايىپپۇل تۋرالى جىلدام ءارى جەڭىل بىلۋگە بولادى

«ولاردى جەدەل ءارى ىڭعايلى تولەۋ ءۇشىن قوسىمشا جاعداي تۋدىرۋ ماقساتىندا باس پروكۋراتۋرا ۋاكىلەتتى مەملەكەتتىك ورگانداردىڭ ىقپالداستىرىلعان جۇيەسىن، سونىمەن قاتار «ەلەكتروندىق ۇكىمەت» تولەم ءشليۋزىن جانە ەكىنشى دەڭگەيدەگى بانكتەردىڭ «ە- ايىپپۇلداردى» قۇرۋ ماسەلەسىن بەلسەندى پىسىقتاۋدا.

وسى ماقساتتاردا باس پروكۋراتۋرا كوميتەتىنىڭ ورتالىقتاندىرىلعان اكىمشىلىك قورىنا ءاربىر ايىپپۇل بويىنشا تولەم دەرەكتەمەلەرى ەنگىزىلەدى، ول بويىنشا ناقتى ايىپپۇلدى تاۋىپ، ونىڭ تولەنۋ فاكتىسىن كۋالاندىرۋعا بولادى. ايىپپۇل كوميتەت جۇيەسىنە ەنگىزىلىسىمەن ەلەكتروندىق ۇكىمەتتى پايدالانۋشىنىڭ جەكە كابينەتىنە جانە ونىڭ ەلەكتروندىق پوشتاسىنا كەلىپ تۇسەدى. بۇل جەردە، سونداي-اق ايىپپۇلدى ەلەكتروندى تۇردە تولەۋگە مۇمكىندىك بار»، - دەلىنگەن كوميتەت حابارلاماسىندا.

اتاپ ايتقاندا، ق ر ينۆەستيتسيالار جانە دامۋ مينيسترلىگىمەن بىرلەسىپ باس پروكۋراتۋرا كوميتەتى مەن «ەلەكتروندىق ۇكىمەت» پورتالى اراسىندا ايىپپۇلدار تۋرالى دەرەكتەرمەن الماسۋ سەرۆيستەرى قۇرىلدى. وسىنىڭ ارقاسىندا، كەز- كەلگەن ازامات قولىندا تۇبىرتەگى بولماسا دا بانكتەن ناقتى قۇقىق بۇزۋشىلىق بويىنشا ايىپپۇلدى ناقتىلاپ، تولەۋگە مۇمكىندىك الادى.

«قازىرگى ۋاقىتتا مۇنداي مۇمكىندىككە قازاقستاننىڭ ەكسيمبانكى كاسسالارىنا جۇگىنگەن كەزدە يە بولا الاسىز. 2016 -جىلدىڭ بارىسىندا ەكىنشى دەڭگەيدەگى بانكتەردىڭ «ە- ايىپپۇلدار» جۇيەسىنە قوسىلعانداردىڭ سانى ەلەۋلى ارتاتىن بولادى. سونىمەن قاتار، قازاقستان رەسپۋبليكاسى اكىمشىلىك قۇقىق بۇزۋشىلىقتار تۋرالى كودەكسىنىڭ 893-بابى 2-بولىگىنە سايكەس، ايىپپۇل تولەگەننەن كەيىن جازباشا تۇردە سۋدياعا نەمەسە ايىپپۇل سالعان ورگانعا (لاۋازىمدى تۇلعاعا) حابارلاۋ، اتاپ ايتقاندا تولەنگەنى تۋرالى تۇبىرتەكتى ۇسىنۋ قاجەت. ويتپەگەن جاعدايدا، ايىپپۇل ورىندالماعان رەتىندە سانالاتىن بولادى»، - دەلىنگەن ۆەدومستۆو مالىمەتىندە.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى