ەندى قازاقستاندا بانك كارتاسى سياقتى سمارتفونمەن دە ەسەپ ايىرىسۋعا بولادى
Host Card Emulation HCE تەحنولوگياسىنىڭ نەگىزىندەگى جوبا ارنايى موبيلدىك قوسىمشانىڭ كومەگىمەن تولەم كارتانىڭ (نەمەسە بىرنەشە كارتانىڭ) ۆيرتۋالدى كوشىرمە نۇسقاسىن (دۋبليكات) جاساپ، سمارتفوننىڭ NFC- انتەنناسى ارقىلى كونتاكتىسىز تولەم جاساۋعا مۇمكىندىك بەرەدى. سونىڭ ارقاسىندا كارتا ۇستاۋشىلار ءوز سمارتفوندارىمەن تاۋاردى نەمەسە قىزمەتتى جىلدام، وڭاي ءارى قاۋىپسىز وتەي الادى، ال بانكتەر موبيلدىك قۇرىلعى ارقىلى كليەنتتىك تولەمدەر جايلى اقپاراتتى سەنىمدى «بۇلتتى» قويمادا ساقتاۋ مۇمكىندىگىنە يە بولادى، دەپ حابارلادى بانكتىڭ باسپا ءسوز قىزمەتى.
« Visa payWaveتەحنولوگياسى ساتىپ الۋشىلار، سونداي-اق ساتۋشىلار ءۇشىن دە تاۋار مەن قىزمەتتى تولەۋدى جەڭىلدەتىپ، قوسىمشا جايلىلىق ۇسىندى. سول سەبەپتى كونتاكتىسىز تولەمدەردىڭ سانى كۇن سايىن ارتىپ كەلەدى. بۇگىنگى كۇنى قازاقستان شەتەلدە وتكىزىلگەن كونتاكتىسىز ترانزاكتسيالار بويىنشا CEMEA ايماعىندا 3- ورىندا، ال كونتاكتىسىز كارتانىڭ كومەگىمەن ورىندالعان جالپى ترانزاكتسيالاردىڭ كولەمى بويىنشا - 7- ورىندا تۇر. Visa-نىڭ بۇلتتى تەحنولوگيالارى موبيلدىك تەلەفوندى تولەم قۇرالى رەتىندە پايدالانۋعا جانە ەلەكتروندىق تولەمدەردىڭ كولەمىن ۇلعايتىپ، موبيلدىك كوممەرتسيانىڭ جاڭا دارەجەگە شىعۋىن قامتاماسىز ەتۋگە مۇمكىندىك بەرەدى»، - دەپ اتاپ ءوتتى ءوز سوزىندە ورتالىق ازياداعى Visa-نىڭ ايماقتىق مەنەدجەرى عالىم تابىلديەۆ.
قازكوممەرتس بانك - Visa-نىڭ قازاقستاندا كونتاكتىسىز موبيلدىك تولەمدەر سەرۆيسىن ىسكە اسىرۋ بويىنشا العاشقى سەرىكتەسى. سول سەبەپتى ەندى كازكومنىڭ كەز كەلگەن تولەم كارتالارىنىڭ يەلەرى ونى ءوز Android-سمارتفوندارىنا ەنگىزىپ الىپ، Visa payWave كونتاكتىسىز تەحنولوگياسى قولجەتىمدى جەرلەردە قازاقستاندا جانە شەتەلدەردە تاۋار مەن قىزمەتتى جىلدام وتەي الاتىن بولادى.
كازكومنىڭ كونتاكتىسىز موبيلدىك تولەمدەر سەرۆيسىن پايدالانۋ ءۇشىن و س Android (4.4 نۇسقاسى جانە ودان جوعارى) جانە ەنگىزىلگەن NFC- ءچيپى بار موبيلدىك قۇرىلعىعا ارنايى قوسىمشانى كوشىرىپ، ورناتىپ الۋ كەرەك. قازىرگى كەزدە بۇل قوسىمشا https://www.homebank.kz سايتىنىڭ ءبىرىنشى بەتىندە قولجەتىمدى. جاقىن ارادا ول Google Play قوسىمشالار دۇكەنىندە پايدا بولادى.
قوسىمشانى ورناتىپ الۋ ءۇشىن موبيلدىك تەلەفوننىڭ ءنومىرى مەن كارتانىڭ دەرەكتەمەلەرىن (بىرنەشە كارتانى تىركەۋگە بولادى): يەسىنىڭ اتى-ءجونى، ءنومىر، قىزمەت ەتۋ مەرزىمى، CVV2 (كارتانىڭ ەكىنشى بەتىندە ورنالاسقان 3 بەلگىدەن تۇراتىن كود) كورسەتىپ، تىركەلۋدەن ءوتۋ كەرەك. مىنە، وسىدان سوڭ موبيلدىك تەلەفونعا راستالعانى جونىندە SMS كودى كەلەدى. كەيىننەن قوسىمشاعا كىرۋ ءۇشىن ارنايى قۇپيا ءسوزىن ويلاپ، ەستە ساقتاۋ قاجەت.
قوسىمشادا تىركەلگەننەن سوڭ ونىڭ تۇتىنۋشىلارى ءبىر قيمىلمەن-اق، ياعني تەلەفوندى كونتاكتىسىز POS- تەرمينالعا جاقىنداتىپ، ءاپ-ساتتە تاۋار مەن قىزمەتتى وتەي الادى. بۇل رەتتە بانكتىڭ قوسىمشاسىن اشۋدىڭ دا قاجەتى جوق، بار بولعانى تەلەفوندى بلوكتان شىعارۋ كەرەك.
بۇل سەرۆيسكە قازكوممەرتس بانكتىڭ بىرنەشە كارتاسىن تىركەپ قويۋعا بولادى. 5000 تەڭگە سوماسىنان جوعارى تولەم جۇرگىزىلگەن كەزدە ترانزاكتسيانىڭ قوسىمشا قاۋىپسىزدىگىن قامتاماسىز ەتۋ ماقساتىندا تۇتىنۋشىعا PIN- كودتى تەرۋ كەرەك.
2015-جىلى كازكوم كونتاكتىسىز تولەم فۋنكتسياسى بار تولەم كارتالاردى جاپپاي شىعارىپ، ولاردى قابىلداۋ جۇيەسىن دامىتا باستادى. بۇگىنگى كۇنى قازكوممەرتس بانكتىڭ 5 مىڭنان استام كونتاكتىسىز POS- تەرمينالدارى قازاقستان بويىنشا ءتۇرلى سۋپەرماركەتتەر، مەيرامحانالار مەن وزگە دە ساۋدا-سەرۆيستىك كاسىپورىنداردا ورناتىلعان. وسى جىلدىڭ سوڭىنا دەيىن مۇنداي قۇرىلعىلاردىڭ سانى 12 مىڭعا دەيىن جەتكىزىلۋى جوسپارلانۋدا. 2015-جىلدىڭ باسىنان بەرى كونتاكتىسىز تولەمدەردىڭ سانى 22 ەسە ءوسىپ، كازكومنىڭ جالپى كارتالىق ترانزاكتسيالاردىڭ %1 ىن قۇرادى. بۇگىندە ق ك ب- نىڭ كونتاكتىسىز تولەمدەردىڭ اي سايىنعى كولەمى 120 ميلليون تەڭگەدەن اسادى.
