دوپتى حوككەي: الەم چەمپيوناتىندا فيندەردى جەڭگەن قازاقستاندىقتار شيرەك فينالدا نورۆەگتەرمەن كەزدەسەدى

بۇل جولى قازاقستاندىقتار قاقپاسىن ورال دوپتى حوككەيىنىڭ تۇلەگى، قازىر ساراتوۆتىڭ «ۋنيۆەرسالىندا» ونەر كورسەتەتىن ءىلياس حايرەكەشيەۆ قورعادى. ال العاشقى گولدى 19-مينۋتتا تاعى ءبىر باتىس قازاقستاندىق، قازاقستان قۇراماسىنىڭ كاپيتانى، رەسەي چەمپيوناتىنىڭ سۋپەرليگاسىندا («سيبسەلماش»، نوۆوسىبىر) ويناپ جۇرگەن راۋان يساليەۆ سالدى. ويىن بارىسىندا قازاقستان قۇراماسىنان اناتولي گولۋبكوۆ حەت-تريكتىڭ اۆتورى اتانسا، سونىڭ ەكەۋىن 12 مەترلىك پەنالتيدەن ەنگىزدى. تاعى ءبىر گول دميتري زاۆيدوۆسكيدىڭ ەنشىسىندە.

ءسويتىپ وسىنىڭ الدىندا رەسەي مەن شۆەتسيا قۇرامالارىنان ءىرى ەسەپپەن ۇتىلىپ قالعان الەكسەي نيكيشوۆتىڭ شاكىرتتەرى بىرىنشىلىكتەگى العاشقى جەڭىسىنە قول جەتكىزدى. وسىلايشا مىقتىلاردىڭ «ا» توبىندا ءۇشىنشى ورىندى يەلەنىپ، پلەي-وفف باسەكەسىنە شىققان قازاقستاندىقتار بۇگىن، 4- اقپان كۇنى شيرەك فينالدا نورۆەگيا قۇراماسىن تىزە بۇكتىرسە، وندا جۇلدەلى ورىندار ءۇشىن تالاسادى.

ەسكە سالا كەتەيىك، وسىعان دەيىن قازاقستان قۇراماسى التى رەت الەم چەمپيوناتىنىڭ قولا جۇلدەگەرى اتانسا، سونىڭ بارىندە دە ءۇشىنشى ورىن ءۇشىن باسەكەدە فيندەردى جەڭگەن بولاتىن.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى