الماتىدا كۇل وڭدەيتىن كومبينات سالىنادى

بۇل تۋرالى بۇگىن الماتى قالاسى اكىمىنىڭ باسپا ءسوز قىزمەتىنەن حابارلادى.

وسى جوبانى جۇزەگە اسىرۋ اياسىندا الماتى اكىمدىگى جانىنداعى ينۆەستورلارعا قىزمەت كورسەتۋ ورتالىعى مەن «Kazzolokom» ج ش س جانە «Mainfield Corporation Limited»  ج ش س اراسىندا ءۇشجاقتى مەموراندۋمعا قول قويىلدى.

بۇل كومبينات 1600 تۇراقتى جۇمىس ورنىن اشۋعا مۇمكىندىك بەرەدى. سونداي-اق، كۇلدى قايتا وڭدەۋ - ۇلكەن سۇرانىسقا يە ءونىمدى شىعارۋعا، سونداي-اق قالادا ەكولوگيالىق احۋالدىڭ جاقسارا تۇسۋىنە سەپتىگىن تيگىزەدى.

شيكىزات رەتىندە الماتى جىلۋ- ەلەكتر ورتالىعىنان (ج ە و-2) شىعارىلعان كۇل قولدانىلادى دەپ كۇتىلۋدە.

كومبينات ءونىمىنىڭ 80 پايىزى كوتتەجدىك كەنت، جالعا بەرىلەتىن تۇرعىن ءۇي، ونەركاسىپتىك نىساندار، سونداي-اق اۆتوكولىك جولدارىن سالۋعا جۇمسالادى.

كومبينات ءونىمى نانوتوسەنىشى بار تاماشا جولداردى سالۋعا مۇمكىندىك بەرەدى. بۇل جولدىڭ نەگىزىنە كوبىكتەنگەن شىنى مەن گەوسينتەتيكالىق ماتەريال قولدانىلادى.

جاڭا قۇرىلىس ماتەريالدارى، سونداي-اق سۇيىق شىنى مەن كوبىكتەلگەن شىنىنى قولدانۋ ارقاسىندا جولداردىڭ ساپاسى وتە جوعارى بولادى.

كومبينات ءوز وندىرىسىندە ەكولوگيالىق تازا شيكىزاتتار مەن قۇرامداس بولىكتەردى قولدانادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى