قازاقستان مەن چەحيا زاڭسىز كوشى-قونعا قارسى بىرلەسە كۇرەسەدى

وندا سەناتورلار «قازاقستان رەسپۋبليكاسىنىڭ ۇكىمەتى مەن چەح رەسپۋبليكاسىنىڭ ۇكىمەتى اراسىنداعى زاڭسىز كەلگەن ادامداردىڭ رەادميسسياسى تۋرالى كەلىسىمدى راتيفيكاتسيالاۋ تۋرالى» زاڭ جوباسىن تالقىلادى.

ەكى مەملەكەت اراسىنداعى كەلىسىم ەلدەردىڭ اۋماعىندا كىرۋ جانە وندا بولۋ شارتتارىن بۇزعان ادامداردى انىقتاۋدى جانە قايتارۋدى كوزدەيدى.

«بۇل ساناتقا ەلىمىزدىڭ اۋماعىنا زاڭسىز كىرگەن نەمەسە زاڭدى كىرگەن، ءبىراق ۆيزاسىنىڭ نەمەسە رۇقسات قۇجاتىنىڭ مەرزىمى ءوتىپ كەتكەننەن كەيىن سوندا قالعان ادامدار جاتادى. كەلىسىمدى راتيفيكاتسيالاۋ حالىقارالىق قۇقىققا سايكەس زاڭسىز كوشى-قونعا قارسى ءىس-قيمىل جاساۋعا مۇمكىندىك بەرەدى»، - دەدى ق ر ىشكى ىستەر ۆيتسە- ءمينيسترى ۆلاديمير بوجكو.

ونىڭ ايتۋىنشا، كەلىسىم بۇگىنگى تاڭدا وتە وزەكتى بولىپ تابىلادى. سونىمەن قاتار، ەۋروكوميسسيا ۆيزاسىز رەجيم تۋرالى شەشىمدى قابىلداۋ ءۇشىن 28 مەملەكەت داۋىس بەرەدى. سوندىقتان دا، قازاقستانعا وسىنداي كەلىسىمدى ەۋرووداققا قاتىساتىن بارلىق مەملەكەتپەن جاساسۋعا تۋرا كەلەدى.

«بۇدان بولەك، كەلىسىم استانادا وتەتىن ەكسپو-2017 حالىقارالىق كورمە تۇرعىسىنان دا وزەكتى. ويتكەنى، بۇل حالىقارالىق شارا بارىسىندا ەلىمىزگە شەتەلدىك ازاماتتار كوپتەپ كەلە باستايدى»، - دەدى ۆيتسە-مينيستر.

كەلىسىم 2011-جىلى 23- اقپاندا پراگادا جاسالعان. قۇجاتتى قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقپايدى، سونداي-اق بيۋدجەتتەن قوسىمشا قاراجاتتى تالاپ ەتپەيدى.

زاڭ جوباسى پالاتانىڭ الداعى جالپى وتىرىسىنا شىعارىلاتن بولادى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى