تاشكەنتتە توعىزقۇمالاقتان حالىقارالىق جارىس ءوتتى - فوتو
بۇل تۋرالى دۇنيەجۇزىلىك توعىزقۇمالاق قاۋىمداستىعىنىڭ باسپا ءسوز قىزمەتى حابارلادى. ءتول ويىنىمىز - توعىزقۇمالاقتان وتكەن تارتىستى باسەكە تاشكەنت يرريگاتسيا جانە مەليوراتسيا ينستيتۋتى عيماراتىندا ءوتتى.
وسىمەن توعىزىنشى رەت جالاۋىن جەلبىرەتكەن جارىسقا وزبەكستان، قازاقستان جانە قاراقالپاقستان رەسپۋبليكالارىنان 40-قا جۋىق سپورتشىلار قاتىستى. جارىس 3 جاس ەرەكشەلىگى بويىنشا قىزدار جانە ۇلدار اراسىندا بولەك وتكىزىلدى. ولار 14 جاستان تومەن، 15-17 جاس جانە 18 جاستان جوعارى سپورتشىلار.
جارىستىڭ اشىلۋ سالتاناتىندا تاشكەنت يرريگاتسيا جانە مەليوراتسيا ينستيتۋتىنىڭ پرورەكتورى قاديرجان شوۆوزوۆ، وزبەكستانداعى قازاق مادەنيەت ۇلتتىق ورتالىعىنىڭ ءتوراعاسى سەرىكباي ۇسەنوۆ، وزبەكستانداعى قازاقستان ەلشىلىگىنىڭ كەڭەسشىسى ناۋرىز ايداروۆ جانە دۇنيەجۇزىلىك توعىزقۇمالاق قاۋىمداستىعىنىڭ باس حاتشىسى ماقسات شوتايەۆ ءسوز سويلەپ، بۇل جارىستىڭ ماقساتى مەن مانىنە، ەكى ەلدىڭ دوستىعى مەن ىنتىماقتاستىعىنا توقتالدى.
ەكى ەلدىڭ ءانۇراندارى شىرقالعاننان كەيىن جارىس جالاۋى كوتەرىلىپ، تارتىستى باسەكەلەر باستالدى. ءار جاس ەرەكشەلىگىندە قىزىقتى ويىندار ءوتتى. ناتيجەسىندە تومەندەگى سپورتشىلار جۇلدەلى ورىندارعا يە بولدى.
14 جاستان تومەن قىزدار
ەسىركەپ قۇندىز (استانا) I ورىن
جاقسىلىقوۆا ارۋنا (اقتوبە) Ⅱورىن
زورباي قىزى التىناي (اقتوبە) Ⅲ ورىن
14 جاستان تومەن ۇلدار
اۋەلباي ەرسۇلتان (استانا) I ورىن
قالجان قۋانىشبەك (اقتوبە) Ⅱورىن
ورىنباساروۆ اسحات (اقتوبە) Ⅲ ورىن
15-17 جاس قىزدار
سەرىكوۆا ايجان (استانا) I ورىن
يبراگيموۆا ادينا (تاشكەنت) Ⅱ ورىن
يبراگيموۆا دينارا (تاشكەنت) Ⅲ ورىن
15-17 جاس ۇلدار
سەرىكمۇرات تويباحىت (استانا) I ورىن
جەتپىسباي ۇلى ورىنباسار (اقتوبە) Ⅱ ورىن
جولمۇرات بەگزات (اقتوبە) Ⅲ ورىن
ايەلدەر
تاكيشيەۆا الماگۋل (اقتوبە) I ورىن
اسقاروۆا لۋيزا (تاشكەنت) Ⅱورىن
حالوۆا سارۆينوز (تاشكەنت) Ⅲ ورىن
ەرلەر
وندىربايەۆ امانبەك (اقتوبە) I ورىن
تانحايەۆ اليشەر (استانا) Ⅱورىن
قالمۇراتوۆ جاقسىباي (نۇكىس) Ⅲ ورىن
جارىستىڭ جابىلۋ سالتاناتىندا وزبەكستانداعى قازاق مادەنيەت ۇلتتىق ورتالىعى اتىنان مەدال جانە ديپلومدار، وزبەكستانداعى قازاقستان ەلشىلىگى اتىنان باعالى سىيلىقتار تاپسىرىلدى. جارىستىڭ ەڭ جاس ويىنشىلارى - ۇلدار اراسىندا ەرجىگىت يبراگيموۆ (تاشكەنت) پەن قىزدار اراسىندا تالاسبايەۆا نۇرلىايىم (اقتوبە) بولدى. سونداي-اق وزبەكستانداعى قازاق مادەنيەت ۇلتتىق ورتالىعى ءتوراعاسى سەرىكباي نازار ۇلى توعىزقۇمالاقتى وزبەكستان رەسپۋبليكاسىندا دامىتۋعا سىڭىرگەن ەڭبەگى ءۇشىن دۇنيەجۇزىلىك توعىزقۇمالاق قاۋىمداستىعىنىڭ وكىلى، اقتوبە وبلىسىنىڭ اعا جاتتىقتىرۋشىسى باۋىرجان تولەگەنوۆكە شاپان جاۋىپ، سىي سياپاتىن كورسەتتى.
كۇنسۇلتان وتارباي
