استانادا بەلگىلى كوركەمجازۋ شەبەرى مۋحاررەم گوكشەنننىڭ قۇسنيحات جانە كالليگرافيا كۇندەرى كورمەسى وتەدى

 2 كۇن جالعاساتىن كورمەدە ونەرسۇيەر قاۋىمنىڭ نازارىنا مۋحاررەم گوكشەننىڭ 34 جۇمىسى ۇسىنىلاتىن بولادى. كورمەنىڭ اشىلۋىنان كەيىن مۋحاررەم گوكشەن قۇسنيحات بويىنشا شەبەرلىك ساباعىن وتكىزەدى.

«قۇسنيحات» (كوركەم جازۋ ونەرى) - «سۇلۋلىق، ادەمىلىك، كوركەمدىك» دەگەن ماعىنانى بەرەتىن اراب تىلىندەگى «حۇسن» سوزىنەن ەنگەن. كالليگرافيا- «اسەمدىلىك» ماعىناسىن بەرەتىن گرەك ءتىلىنىڭ «kallos» سوزىنەن ەنگەن. اراب ارىپتەرىمەن جازىلاتىن، مەڭگەرىلۋى قيىن، نەگىزىنەن ناقىشتاۋ ماقساتىمەن مەشىتتەردە، ايات جانە ءدىني كىتاپتاردا قولدانىلاتىن بەلگىلى ەرەجەلەرى بار بەينەلەۋ ونەرىنىڭ ءبىر ءتۇرى. «قۇسنيحات» ونەرىن كالليگرافيا ونەرىمەن ءجيى شاتاستىرادى. ەكى ونەردىڭ ورتاق تۇسى كوركەم جازۋ بولىپ تابىلادى. ال «قۇسنيحاتتىڭ» اراب ارىپتەرىمەن جازىلۋى، مەڭگەرىلۋى مەن ورىندالۋى اسا قيىن بولۋى - كالليگرافيا ونەرىنەن باستى ايىرماشىلىعى. سونىمەن قاتار كالليگرافيا - بۇل لاتىن ارىپتەرمەن كوركەم جازۋ ونەرى بولىپ تابىلادى.

مۋحاررەم گوكشەن 1980 -جىلى تۇركيانىڭ چورۋم قالاسىندا دۇنيەگە كەلگەن. ۋنيۆەرسيتەت قابىرعالارىندا كوركەم جازۋ ساباقتارىن الىپ، ونەر جولىنا قادام باسقان. 2007 -جىلى سۋرەتشى- كالليگراف تۋران سيەۆگيليدەن «ءسۇلىس» جازۋىنان ءدارىس العان. 2008 -جىلى كالليگراف ماحمۋت شاحيننەن «ءسۇلىس»، «ناسح» جازۋ ءتۇرى بويىنشا ءدارىس الۋدى جالعاستىرعان. 2012 -جىلى اتالعان كوركەم جازۋ تۇرلەرىنەن ديپلوم العان. ىستامبۇل قالاسىنداعى كاسىپتىك كوركەم سۋرەت كۋرستارىنا قاتىسىپ كالليگرافيا ونەرىنەن سەرتيفيكات الدى. تۇركيادا جەكە كورمەلەرى ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى