يۋنەسكو- نىڭ مادەني مۇراسىنىڭ كورنەكى تىزىمىنە «ناۋرىز» ، «بۇركىتپەن اڭ اۋلاۋ» ەنگىزىلەدى
بۇل تۋرالى بۇگىن ق ر مادەنيەت جانە سپورت مينيسترلىگىنىڭ القا ماجىلىسىندە ۆەدومستۆو باسشىسى ارىستانبەك مۇحامەدي ۇلى ءمالىم ەتتى.
«2015 -جىلعى جەلتوقسان ايىندا يۋنەسكو- نىڭ ادامزاتتىڭ ماتەريالدىق ەمەس مادەني مۇراسىنىڭ كورنەكى ءتىزىمى «ايتىس - يمپروۆيزاتسيا ونەرى» نوميناتسياسىمەن تولىقتى. اتالعان نوميناتسيا «ءداستۇرلى دومبىرا كۇيىن ورىنداۋ ونەرى» ، «قازاق جانە قىرعىز كيىز ۇيلەرىن جاساۋدىڭ ءداستۇرلى بىلىمدەرى مەن داعدىلارى» نوميناتسيالارىمەن قاتار يۋنەسكو- نىڭ جوعارىدا اتالعان تىزىمىندە ءۇشىنشى نوميناتسيا بولدى. ەندىگى كەزەكتە «ناۋرىز» ، «بۇركىتپەن اڭ اۋلاۋ» جانە ت. ب. نوميناتسيالارى جوسپارلانىپ وتىر» ، - دەپ اتاپ ءوتتى مينيستر.
ايتا كەتەيىك، مينيسترلىكتىڭ القا ءماجىلىسى مەملەكەتتىك ورگاننىڭ 2015 -جىلعى جۇمىسىنىڭ ناتيجەلەرى جانە 2016 -جىلعا قويىلعان مىندەتتەر تالقىلاندى. ونىڭ جۇمىسىنا ق ر پرەمەر- ءمينيسترىنىڭ ورىنباسارى داريعا نازاربايەۆا، مينيسترلىك باسشىلىعى، كوميتەتتەر ءتوراعالارى مەن دەپارتامەنت ديرەكتورلارى، باق قاتىسقان بولاتىن.
