الماتى وبلىسىندا اپاتقا ۇشىراعان تىكۇشاق بورتىندا بولعان جولاۋشىلاردىڭ بارلىعى قازا تاپتى - توتەنشە جاعدايلار كوميتەتى

بورتتا بولعان ادامداردىڭ ءبارى قازا تاپقان.

تىكۇشاق اپاتى فاكتىسى بويىنشا قوزعالعان قىلمىستىق ءىس اياسىندا قاجەتتى جەدەل تەرگەۋ شارالارى جۇرگىزىلۋدە. جەدەل جەلى تەلەفونى جۇمىس ىستەۋدى جالعاستىرۋدا، تاۋلىك ىشىندە وعان 135 رەت قوڭىراۋ سوعىلدى.

ق ر ءى ءى م ت ج ك رەسمي وكىلى رۋسلان يمانقۇلوۆ حابارلاعانداي، قازاقستان رەسپۋبليكاسىنىڭ ىشكى ىستەر ءمينيسترى، پوليتسيا گەنەرال-پولكوۆنيگى قالمۇحامبەت قاسىموۆتىڭ بۇيرىعىمەن ىشكى ىستەر ءمينيسترىنىڭ ورىنباسارى ۆ. ك. بوجكو وقيعا ورنىنا ۇشىپ كەتتى.

ەستەرىڭىزگە سالا كەتەيىك، كەشە ساعات 17:47 دە ق ر ت ج د- ءنىڭ كريزيستىك ورتالىعىنان ساعات 17:10 دا تالدىقورعان اۋەجايىندا قونۋى ءتيىس بولعان ساناۆياتسيا تىكۇشاعىمەن بايلانىس جوعالعانى تۋرالى حابارلاما كەلىپ تۇسكەن.

الماتى وبلىستىق ت ج د حابارلاعانداي، تىكۇشاق ساعات 15:45 تە ءۇشارال قالاسىندا ءساتتى قونىپ، بورتىنا اناسى مەن 2 ايلىق بالانى الىپ، ولاردى تالدىقورعان اۋرۋحاناسىنا جەتكىزۋى ءتيىس بولعان.

تىكۇشاق بورتىندا ۇشقىش، گەماتولوگ دارىگەر، ساناۆيتسيا فەلدشەرى، كىشكەنتاي بالا جانە ونىڭ اناسى بولعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى