امەريكادا ناركوباروننىڭ بۇرىنعى ۇيىندە جاسىرىلعان «قازىنالى» سەيف تابىلدى

جەرگىلىكتى باسىلىمداردىڭ جازۋىنا قاراعاندا، كريستيان دە بەردۋار مەن ونىڭ كەلىنشەگى ءۇيدى جوندەۋدەن وتكىزىپ جاتقاندا بۇزعان قابىرعانىڭ اراسىنان سەيف شىققان. ەرلى-زايىپتىلار ۆيللانى 2014-جىلى 9,65 ميلليون دوللارعا ساتىپ العان بولىپ شىقتى.

سەيفتىڭ كولەمى 60 - تا 60 سانتيمەتر بولسا دا ولشەگەندە سالماعى 317,5 كەلىگە جەتكەن. ونى تاپقاندار ىشىندە سالماعى اۋىر التىن، گاۋھار بولۋى مۇمكىن دەپ دامەلەنىپ وتىر. قازىر سەيف اشىلماعان، بۇزىلماعان، قىلمىسكەرلەردەن تاسالاۋ ءۇشىن بانككە ساقتاۋعا قويىلعان.

ەسىرتكى ساتۋشى الپاۋىت ەسكوبار بۇل ءۇيدى 1980-جىلى 762,5 دوللارعا ساتىپ الىپتى، الايدا ارادا جەتى جىل وتكەندە امەريكا بيلىگى ونى تاركىلەپ اۋكتسيون ارقىلى ساتۋعا قويعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى