قازاقستان شەت ەلدىك ستۋدەنتتەرگە ساپالى ءبىلىم بەرەتىن ەلگە اينالا الادى - ز. زايسەۆا
كەزدەسۋ بارىسىندا جوعارى وقۋ ورنىنىڭ رەيتينگ كورسەتكىشتەرىن جاقسارتۋ ءۇشىن ۋنيۆەرسيتەت قىزمەتىنىڭ نەگىزگى ماسەلەلەرى تالقىلاندى. زويا زايسەۆا قاز ۇ ۋ- دىڭ سوڭعى 3 جىل ىشىندە اتقارعان جۇمىستارىن جوعارى باعالادى.
«QS وتكىزگەن كوپتەگەن حالىقارالىق سەمينارلاردا قاز ۇ ۋ- دىڭ الەمدىك رەيتينگتە جوعارى كورسەتكىشكە قول جەتكىزۋ جولىندا جاساعان قادامدارى جاقسى ۇلگى رەتىندە اتالىپ جاتىر. سونىڭ ىشىندە ۋنيۆەرسيتەتتىڭ باسقارۋ ۇلگىسى، ينتەرناتسيونالداندىرۋ ستراتەگياسى مەن عالىمداردىڭ ماقالا جاريالاۋ قىزمەتىن بەلسەندى قولداۋ تاجىريبەسى ۇلكەن قىزىعۋشىلىق تۋدىرادى. قاز ۇ ۋ تاجىريبەسىن ت م د جانە ورتالىق ازيا ەلدەرىنىڭ ج و و- دا زەرتتەلىپ، قولدانىلىپ كەلەدى»، - دەدى ز. زايسەۆا.
سونىمەن قاتار، ول قاز ۇ ۋ- دىڭ ينفراقۇرىلىمدىق نىساندارىمەن تانىستى. اتالعان جوعارى وقۋ ورنىنىڭ الەمنىڭ ەڭ ۇزدىك 200 ۋنيۆەرسيتەتتەر قاتارىنا قوسىلۋعا دەگەن ۇمتىلىسى، اۋقىمدى عىلىمي جوبالاردى جۇزەگە اسىرۋ مەن وزەكتى ماسەلەلەرگە بايلانىستى حالىقارالىق ۇيىمدارمەن بايلانىس ورناتۋ ارقىلى جۇزەگە اسىپ جاتقاندىعىنا كوز جەتكىزدى.
ونىڭ پىكىرىنشە، قاز ۇ ۋ كورەيانىڭ جەتەكشى ۋنيۆەرسيتەتتەرىمەن بىرلەسىپ اشقان مەديتسينالىق ورتالىق پەن قوعامدىق دەنساۋلىق ساقتاۋ جوعارى مەكتەبىنىڭ (ق د س م) اشىلۋى زەرتتەۋ جۇمىستارىن اتقارىپ وتىرعان ۋنيۆەرسيتەت ءۇشىن ۇلكەن جەتىستىك.
سونداي-اق، ACCELS، Erasmus Mundus-پەن ارىپتەستىك پەن ءبىلىم بەرۋ باعدارلامالارىن ەۋروپالىق اگەنتتىكتەرمەن بىرلەسىپ تولىق حالىقارالىق اككرەديتاتسيالاۋ - شەتەلدىك ستۋدەنتتەردىڭ قىزىعۋشىلىعىن ارتتىرۋدا.
«قازاقستان شەت ەلدىك ستۋدەنتتەرگە ساپالى ءبىلىم بەرەتىن ەلگە اينالا الادى. ۇلكەن كادرلىق الەۋەتى مەن مۇمكىندىكتەرى بار ءال-فارابي اتىنداعى قاز ۇ ۋ كولەمدى قابىلداۋدى جۇزەگە اسىراتىن ءبىرىنشى ج و و بولادى دەپ ويلايمىن. ۋنيۆەرسيتەتتىڭ وسى قىزمەت الەۋەتى اۋقىمدى بولعاندىقتان، بۇل جالپى ۋنيۆەرسيتەت رەيتينگىن باعالاۋ كەزىندە ساپالىق جانە ساندىق كورسەتكىشتەرگە وڭ اسەرىن تيگىزەدى»، - دەدى ز. زايسەۆا.
ايتا كەتەلىك، QS - الەمدەگى ۇزدىك ۋنيۆەرسيتەتتەردىڭ الەمدىك رەيتينگى. ونى وسى سالا بويىنشا ماماندانعان انگليانىڭ «Quacquarelli Symonds» (QS) كومپانياسى جۇزەگە اسىرادى.
اۆتور: جاپپاربەرگەن ايبوتا
