استانا تاريحىندا قۇرىلىس سالاسىنداعى ۇزدىك ناتيجە ورىن الدى

«وتكەن جىلدىڭ قورىتىندىسىندا قۇرىلىس جۇمىستارىنىڭ كولەمى 472 ميلليارد تەڭگەنى قۇراپ، 1 ميلليون 759 شارشى مەتر تۇرعىن ءۇي پايدالانۋعا بەرىلدى.

بۇل ەلوردا تاريحىنداعى ەڭ ۇزدىك كورسەتكىش. بۇعان قوسا، پايدالانۋعا بەرىلگەن تۇرعىن ءۇي كولەمى وتكەن جىلعى كورسەتكىشتەن 146 پايىزعا ارتىق»، - دەدى ەلوردا اكىمىنىڭ ورىنباسارى.

س. حوروشۋن العا تارتقان دەرەكتەرگە سايكەس، وتكەن جىلدىڭ ىشىندە جالپى اۋماعى 2 ميلليون 371 مىڭ شارشى مەتردى قۇرايتىن 1135 ءتۇرلى نىساندار پايدالانۋعا بەرىلگەن. بۇعان قوسا قۇنى 132 ميلليارد تەڭگەنى قۇرايتىن 107 الەۋمەتتىك نىسان، ونىڭ ىشىندە 1200 ورىنعا ارنالعان 4 جالپى ءبىلىم بەرەتىن مەكتەپ، 1720 بالاعا ارنالعان 8 بالاباقشا ءوز جۇمىسىن باستاعان.

«دەنساۋلىق ساقتاۋ سالاسى نىساندارىنان 250 توسەك-ورىندىق بالالار جۇقپالى اۋرۋلارى اۋرۋحاناسى، مەديتسينالىق-الەۋمەتتىك وڭالتۋ ورتالىعى، سول جاعالاۋداعى امبۋلاتورلىق-ەمحانالىق كەشەن، پرەزيدەنت ءىس باسقارماسىنىڭ كلينيكالىق-وڭالتۋ ورتالىعى پايدالانۋعا بەرىلگەنىن اتاپ وتكىم كەلەدى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى