قازاقستاندىق قالتالىلاردىڭ مۇلكى ەۋروپا مەن اراب امىرلىكتەرىندە ساقتالعان بولىپ شىقتى

قىرۋار قاراجات مۇلىكتى جاريا ەتۋ ناۋقانىنان جينالعان. جەرگىلىكتى جانە مەملەكەتتىك كىرىستەر ورگاندارىنا 758,4 ميلليارد تەڭگە تۇراتىن 75 مىڭعا جۋىق ءوتىنىش ءتۇسىپتى. ونىڭ ىشىندە 58 مىڭ 340 نىسان، جالپى سوماسى 455,3 ميلليارد تەڭگەنى قۇرايتىن قارجىلاي جانە قۇندى قاعازدار زاڭداستىرىلعان.

ال، الماتى قالاسى بويىنشا جاريا ەتۋ ناۋقانىنا 13 مىڭداي ءوتىنىش تۇسكەن.

«ولاردىڭ جالپى سوماسى 200 ميللياردتان استام تەڭگەنى قۇرايدى. ونىڭ ىشىندە م ك د- نە تۇسكەن وتىنىشتەر بويىنشا 21 تۇلعانىڭ ءوتىنىشى قاراستىرىلىپ، جاريا ەتىلدى»، - دەدى م ك د ءتۇسىندىرۋ باسقارماسىنىڭ جەتەكشىسى ەدىل ءازىمشايىح.

زاڭداستىرۋ ناۋقانىنا شەت ەلدەن قاتىسىپ جاتقان قازاقستاندىقتار دا از ەمەس. ايتا كەتەيىك، ەل اۋماعىنان تىس ايماقتاعى مۇلكىن جاريا ەتۋگە تۇسكەن 1044,4 ميلليون تەڭگەنى قۇرايتىن 38 ءوتىنىشتىڭ بارلىعى زاڭداستىرىلعان.

وتانداستارىمىزدىڭ شەت ەلدەگى مۇلكىنىڭ كوبى بىرىككەن اراب امىرلىكتەرى مەن ەۋروپادا ەكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى