تالدىقورعاندا «جاستار» ساياباعىنا قويىلاتىن ۇزدىك جوبا تاڭدالدى - فوتو
بۇل تۋرالى ساۋلەتتىك-كوركەم كومپوزيتسيالاردىڭ ۇزدىك ەسكيز-يدەياسىنا جاريالانعان كونكۋرستىڭ قورىتىندىسىن شىعارۋ كەزىندە بەلگىلى بولدى. وبلىس اكىمى اماندىق باتالوۆ كوميسسيا مۇشەلەرىمەن بىرگە ۇزدىك جوبانى ىرىكتەپ الدى.
ۇلتتىق كيىمدەگى بويجەتكەن مەن ەر جىگىتتىڭ بەينەسى جاستارعا ارنالعان ساياباقتىڭ ءسانىن كىرگىزەتىن بولادى. ءوڭىر باسشىسى ءمۇسىننىڭ ءاربىر ەلەمەنتىنە ەرەكشە نازار اۋدارىپ، جەتىلدىرۋ قاجەتتىگىن ەسكەرتتى.
- كونكۋرس بارىسىندا قىزىقتى دا ەرەكشە يدەيالار ۇسىنىلدى. بايقاۋعا جاس ساۋلەتشىلەردىڭ اتسالىسقانىنا قۋانىپ وتىرمىن. ولاردىڭ ۇسىنعان دۇنيەلەرى تانىمال ساۋلەتشىلەردىڭ ەڭبەگىنەن ءبىر مىسقال دا كەم ەمەس. ەندىگى كەزەكتە شەبەر ءبىز تاڭداعان ساۋلەتتىك كومپوزيتسيانىڭ جەكەلەگەن دەتالدارىن - بەت-ءجۇزىن ايشىقتاپ، كيىمىنىڭ جەكەلەگەن تۇستارىن جەتىلدىرە تۇسسە، ءمۇسىن «جاستار» ساياباعىنا كورىك بەرىپ، تالدىقورعاندىقتار مەن قالا قوناقتارىنىڭ كوزايىمىنا اينالادى دەپ ويلايمىن، - دەدى وبلىس اكىمى ا. باتالوۆ.
وبلىس ورتالىعىنىڭ باسقا دا شاعىن اۋداندارى نازاردان تىس قالمايدى. ماسەلەن، كونكۋرستا جاس ساۋلەتشى ايدوس بۇركىتبايەۆتىڭ جاس قىز بەن ەر جىگىت بەينەلەنگەن ءمۇسىنى جاستار سارايىنىڭ الدىنا قويىلماق، ال عازيز ەشكەنوۆتىڭ «ۇلار» كۇمىس شارى قاراتال وزەنى جاعالاۋىنىڭ اجارىن اشاتىن بولادى.
