ق ر مەملەكەتتىك حاتشىسى اقتوبە وبلىسىنا جۇمىس ساپارىمەن كەلدى
بۇل تۋرالى اقوردانىڭ باسپا ءسوز قىزمەتىنەن حابارلادى.
مەملەكەتتىك حاتشى جۇمىس ساپارىنىڭ العاشقى كۇنى «زايىرلى قوعام جانە بيىك رۋحانيات - بىرلىك پەن كەلىسىم كەپىلى» دەگەن تاقىرىپپەن وتكەن ءوڭىرارالىق سەمينارعا قاتىستى. سەمينار جۇمىسىنا اقتوبە وبلىسىنىڭ اكىمى ب. ساپاربايەۆ، مادەنيەت جانە سپورت ۆيتسە- ءمينيسترى م. ءازىلحانوۆ، اتىراۋ، باتىس قازاقستان، قىزىلوردا جانە ماڭعىستاۋ وبلىستارىنداعى مەملەكەتتىك ورگانداردىڭ، ۇكىمەتتىك ەمەس ۇيىمدار مەن ءدىني بىرلەستىكتەردىڭ وكىلدەرى قاتىستى. سەمينارعا قاتىسۋشىلار «100 ناقتى قادام» ۇلت جوسپارىنىڭ 4-شى - «بىرتەكتىلىك پەن بىرلىك» ينستيتۋتسيونالدىق باعىتىن جۇزەگە اسىرۋ، كونفەسسياارالىق قارىم-قاتىناستاردى ۇيلەستىرۋ جانە ءدىني ەكسترەميزمنىڭ الدىن الۋ جونىندەگى كەشەندى ماسەلەلەردى تالقىلادى.
كىرىسپە سوزىندە گ. ءابدىقالىقوۆا مەملەكەت باسشىسى قازاقستاننىڭ دامۋ ۆەكتورىن دەموكراتيالىق، زايىرلى جانە ەكونوميكالىق دامىعان مەملەكەت رەتىندە ناقتى ايقىنداپ بەرگەنىن اتاپ ءوتتى. مەملەكەتتىك حاتشى «ماڭگىلىك ەل» جالپىۇلتتىق پاتريوتتىق يدەياسىنىڭ ماڭىزدى قۇندىلىعى - زايىرلى قوعام جانە بيىك رۋحانيات ەلىمىزدىڭ بارلىق ازاماتتارىن بىرىگۋگە شاقىراتىنىن ايتتى. ناق وسى قۇندىلىقتاردى قالىپتاستىرۋعا جانە نىعايتۋعا مەملەكەتتىك ورگاندار مەن ازاماتتىق قوعامنىڭ كۇشىن باعىتتاۋ كەرەك.
ساپار بارىسىندا مەملەكەتتىك حاتشى مەملەكەت- جەكەمەنشىك ارىپتەستىگى اياسىندا سالىنعان، بارلىق تالاپتارعا ساي كەلەتىن زاماناۋي وزىق قۇرال- جابدىقتارمەن قامتاماسىز ەتىلگەن «ايلين» بالاباقشاسىنا باردى.
سونداي-اق گ. ءابدىقالىقوۆا فيزيكا- ماتەماتيكا باعىتىنداعى نازاربايەۆ زياتكەرلىك مەكتەبى وقۋشىلارىنىڭ شىعارماشىلىعىمەن، عىلىمي- جوبالىق جۇمىستارى كورمەسىمەن جانە جۇرگىزىلىپ جاتقان الەۋمەتتىك تاجىريبەلەرمەن تانىستى.
جۇمىس ساپارى اياسىندا مەملەكەتتىك حاتشى وبلىستىڭ ايەلدەر قاۋىمىمەن - ءماسليحات دەپۋتاتتارى، مەملەكەتتىك ورگاندار باسشىلارى، بيزنەس- قاۋىمداستىق، شىعارماشىل زيالى قاۋىم جانە ۇكىمەتتىك ەمەس ۇيىمدار وكىلدەرىمەن كەزدەستى. كەزدەسۋ بارىسىندا مەملەكەت باسشىسىنىڭ ۇلت جوسپارىن جۇزەگە اسىرۋعا ايەلدەردىڭ بەلسەنە قاتىسۋى، ايەلدەر كاسىپكەرلىگىن قولداۋ، رۋحاني- ادامگەرشىلىك جانە وتباسىلىق قۇندىلىقتاردى نىعايتۋ، وتباسىلىق- دەموگرافيالىق ساياساتتى دامىتۋ ماسەلەلەرى تالقىلاندى.
گ. ءابدىقالىقوۆا ەلباسىنىڭ «قازاقستان جاڭا جاھاندىق ناقتى احۋالدا: ءوسىم، رەفورمالار، دامۋ» اتتى جولداۋى ءاربىر قازاقستاندىققا، سونىڭ ىشىندە ەل تۇرعىندارىنىڭ باسىم بولىگىن قۇرايتىن ايەلدەر قاۋىمىنا جاڭا مۇمكىندىكتەر اشىپ وتىرعانىن اتاپ ءوتتى. ماسەلەن، اتىراۋ وبلىسىندا «دامۋ» قورى مەن ازيالىق دامۋ بانكى بىرلەسىپ، 14 كاسىپكەر ايەلگە 595 ميلليون تەڭگە
بولسە، ە ق د ب ارقىلى جالپى قۇنى 895 ميلليون تەڭگە بولاتىن 17 جوبا، سونىڭ ىشىندە 4 كاسىپكەر ايەلدىڭ جوبالارى قارجىلاندىرىلعان.
