قايرات قايدا ءجۇر؟

بۇگىندە باعى مەن بابى قاتار جانىپ جۇرگەندەردىڭ كوشىندە ءبىر كەزدەرى شىمكەنتتىك قايرات تۇنتەكوۆ تە بار بولاتىن. ءبىر سوزبەن ايتقاندا، قايرات قايدا ءجۇر؟ ەڭ قىزىعى، الداعى اقپاندا وتىزعا اياق باساتىن تالانتتى ءانشى «كوزدەن كەتسە» دە، كوپشىلىكتىڭ كوڭىلىنەن كەتە قويماعان سىڭايلى.

ويتكەنى قايراتتاردى تۇگەندەگەنىمىزدە قالىڭ جۇرتشىلىقتىڭ ىشىنەن جاستاردىڭ دەنى نۇرتاستىڭ قايراتىنان سوڭ وسى ەسىمدى اتاپ جاتتى. ءبىراق سوڭعى كەزدە ءانشى تويلاردان وقتا-تەكتە توبە كورسەتسە دە، شوۋلاردان اسا بايقالمايدى. جوق الدە جول اپاتىنان كەيىن حالقىنان قولداۋ كۇتكەن ونىڭ كورەرمەندەرىنەن كوڭىلى قالدى ما ەكەن؟! سولاي شىعار دەيىن دەسەك، ءبىر جىل بۇرىن ءبىرلى-جارىم تەلەارنالارمەن سۇحباتتاسقانى دا بار-تىن. نە دەسەك تە 14 جاسىندا حالىقارالىق «بوزتورعاي» بايقاۋىنىڭ گران-پريىن، اراعا بەس جىل سالىپ 19 جاسىندا superStar.kz جوباسىنىڭ باس جۇلدەسىن قانجىعاسىنا بايلاپ، ءتىپتى يۋرمالادا باعىن سىناپ، ەل جادىندا جاتتالىپ قالعان جىگىتتى تىڭدارماندارى ءتۇسىنىپ تە، كەشىرىپ تە، جوعالتىپ تا شارشادى.

ەستەرىڭىزدە بولسا، بۇل ەسىم وسىدان ءۇش جىل بۇرىن تەمىر توردىڭ ارعى جاعىنا توعىتىلىپ، بويجەتكەندى كولىگىمەن قاققانى ءۇشىن قۇرىقتالعان ازامات رەتىندە توقتاۋسىز ايتىلىپ ەدى. ءبىراق تاعدىر مەن تەمىر تۇلپارعا كەلگەندە ساعى سىنباعان جىگىت تە جوقتىڭ قاسى. وسىنى العا تارتقان قايراتتىڭ تىڭدارماندارى اقتادى، جاقتادى، تەك زاڭ بارىنە ورتاق دەگەن كەيبىرى عانا بولماسا... ال ءبىزدىڭ ايتپاعىمىز، «ءمولدىر تۇنىق كوزدەرىڭ»، «ناز قوڭىر»، «Je taime» سىندى اندەردى ەل دە ساعىنعانعا ۇقسايدى.

ودان بەرى قانشا ايتىس پەن ءان ەلەمىنەن «كەتتىم»، - دەگەندەر دە ءالى دومبىراسى مەن ميكروفونىن قۇشاقتاپ ساحنادا ءجۇر. ودان بەرى ەل قانشا دۇرلىكتى، دوللار شارىقتادى. ءبىراق ءبىزدىڭ قازاق تۇسىنۋگە كەلگەندە ساراڭدىق تانىتقان ەمەس... تۇسىنەدى عوي... ال ءبىز «وتىزدا وردا بۇزباعان، قىرىقتا قامال المايدى» دەگەن قازاقتىڭ ءسوزىن ەسىڭىزگە سالىپ قويۋدى ءجون كوردىك...

korrespondent.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى