مينيسترلىك قازاقستاندا جەزوكشەلىكپەن اينالىساتىندارعا قاتىستى جازانىڭ نەلىكتەن ەنگىزىلمەگەنىن ءتۇسىندىردى
ۆەدومستۆو وكىلدەرى Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا حالىقارالىق بىردە- ءبىر كونۆەنسيادا جەزوكشەلىكپەن اينالىسقانداردى قۋدالاۋ بويىنشا نورمانىڭ جوق بولۋىنا بايلانىستى ءبىزدىڭ ەلدە زاڭعا وزگەرىستەر ەنگىزۋ بارىسىندا ينتيم قىزمەتىن ۇسىنۋعا قاتىستى اكىمشىلىك جاۋاپكەرشىلىكتى ەنگىزۋدىڭ ماقۇلدانباعانىن حابارلادى.
وسىدان قازىرگى تاڭدا قازاقستاندا جەزوكشەلىككە قاتىستى جازانىڭ جوقتىعى بەلگىلى بولىپ وتىر. ءى ءى م وكىلدەرى اكىمشىلىك جاۋاپكەرشىلىكتى ەنگىزۋ تۋرالى ماسەلەنىڭ «قازاقستان رەسپۋبليكاسىنىڭ ادام ساۋداسىنا قارسى ءىس قيمىل ماسەلەلەرى بويىنشا كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» زاڭىندا قاراستىرىلعانىن ءتۇسىندىردى.
سونىمەن قاتار، زاڭ جوباسى بويىنشا عىلىمي انتيكوررۋپتسيالىق ساراپتامانىڭ وتكىزىلگەنى حابارلانىپ وتىر. بۇل ساراپتامانىڭ قورىتىندىسىندا قازىرگى ۇلتتىق زاڭنامادا كامەلەتكە تولعان ازاماتتاردىڭ ەكىجاقتى كەلىسىمى بويىنشا سەكسۋالدىق بايلانىسقا تۇسۋىنە تىيىم سالاتىن ەرەجەنىڭ جوقتىعى انىقتالعان. الايدا، ءى ءى م وكىلدەرىنىڭ ايتۋىنشا، ق ر اكىمشىلىك قۇقىق بۇزۋشىلىق تۋرالى كودەكسىندە جەزوكشەلىكپەن اينالىسۋعا ارنالعان ءۇي-جاي ۇسىنۋعا جانە جەڭگەتايلىقپەن اينالىسۋعا جاۋاپكەرشىلىك قاراستىرىلعان، ال قىلمىستىق كودەكستە جەزوكشەلىكپەن اينالىسۋعا تارتۋعا قاتىستى جاۋاپكەرشىلىك قاراستىرىلعان.
ەسكە سالايىق، وسىعان دەيىن ادۆوكات جانگەلدى سۇلەيمەنوۆ قازاقستاندا سەكسۋالدىق ماندەگى قىزمەتتى ۇسىناتىندار مەن جۇزەگە اسىراتىندارعا ايىپپۇل سالۋدى ەنگىزۋدى ۇسىنعان بولاتىن. ول جەزوكشەلەرگە ايىپپۇل سالۋ تۋرالى باپتىڭ قازاق ك س ر كەزىندە جانە قازاقستاندا 1987-2001 -جىلدار ارالىعىندا عانا بولعانىن ەسكە سالدى. «جەزوكشەلەر ءتيىستى ءوتىنىش جازىپ، جەكە كاسىپكەرلىك اشا الادى»، - دەدى سۇلەيمەنوۆ.
ول وسىدان كەيىن جەزوكشەلەرگە ارىنان باسقا ەشتەڭەنىڭ كەدەرگى بولمايتىنىن، قازاقستاندىق قوعامدىق بيزنەس-ۇيىمداردىڭ مۇشەسى بولىپ، ءتىپتى "كاسىبىن" دامىتۋ ءۇشىن مەملەكەتتەن كومەك الا الاتىندارىن العا تارتتى.
