قىتايدىڭ تيانجين قالاسىنان الماتىدا كەلگەن ونەرپازدار كورەرمەندى ءتانتى ەتتى

شارا اياسىندا قىتايدىڭ ورتالىققا باعىناتىن ءىرى شاھارلارىنىڭ ءبىرى - تيانجين قالاسىنىڭ ونەر قايراتكەرلەرىنىڭ قاتىسۋىمەن كونسەرت بولدى.

وندا لي حۋن، ۆان حۋمينا، جاۋ جين سىندى مەملەكەتتىك 1- دارەجەدەلى ارتىستەر جانە باسقا دا ونەر مايتالماندارى قىتاي حالىق اندەرىن، مۋزىكالارىن، بەيجىڭ وپەراسىن جانە قىتايدىڭ باسقا دا جەرگىلىكتى مۋزىكالىق درامالارىن ورىندادى.

ۇيىمداستىرۋشىلاردىڭ ايتۋىنشا، بۇل شارانى وتكىزۋدەگى ماقسات - قىتاي حالقىنىڭ ءداستۇرلى مادەنيەتىن قازاق جۇرتشىلىعىنا كەڭىنەن تانىستىرۋ جانە ەكى كورشىلەس حالىقتىڭ ءوزارا دوستىعىن نىعايتۋ.

«قىتاي مادەنيەتىنىڭ كۇنى قازاقستان مەن قىتاي مادەني ىنتىماقتاستىعى جانە ۇلى جىبەك جولى ەكونوميكالىق بەلدەۋىن نىعايتۋ اياسىندا وتكىزىلىپ وتىر. ۇلى جىبەك جولى اياسىنداعى ىنتىماقتاستىق بۇل - تەك ساۋدا، ەكونوميكا، ينۆەستيتسيا نەمەسە تەلەكوممۋنيكاتسيا سالاسىنداعى بايلانىستار ەمەس، سونىمەن قاتار گۋمانيتارلىق سالاداعى ىنتىماقتاستىق. ويتكەنى، قىتاي مەن قازاقستان - ارىپتەس. ۇلى جىبەك جولى ەكى حالىقتى تالاي عاسىردان بەرى بايلانىستىرىپ كەلدى. سوندىقتان، وسىنداي شارالار ەكى ەل اراسىنداعى دوستىقتى ودان ءارى نىعايتا تۇسەدى دەگەن سەنىمدەمىن»، - دەدى ءوز سوزىندە ق ح ر الماتىداعى باس كونسۋلى جاڭ ۋي.

شارا بارىسىندا ۇلتتىق كىتاپحانادا «Tempo of China» دەپ اتالاتىن فوتوكورمە اشىلدى. وندا كورەرمەن نازارىنا 60 فوتوسۋرەت ۇسىنىلدى. ولاردا قىتايلىقتاردىڭ كۇندەلىكتى تۇرمىس- تىرشىلىگى، قازىرگى دامىپ جاتقان قالالار مەن اۋىلدار بەينەلەگەن.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى