الماتى وبلىسىندا جوعالىپ كەتكەن جەتكىنشەكتەر تابىلدى
ىزدەۋ شارالارىنا بىرنەشە كۇن بويى ايماقتىڭ بارلىق پوليتسيا قىزمەتكەرلەرى جۇمىلدىرىلدى.
الماتى وبلىسىنىڭ ءى ءى د باسپا ءسوز قىزمەتىنەن حابارلاعانداي، قاراساي اۋدانىنىڭ تۇرعىنى 16 جاستاعى بويجەتكەن 17 -قاڭتار كۇنى جوعالىپ كەتكەن. ول قىزىلوردادا جولاۋشىلار پويىزىنان تابىلىپ، قاسكەلەڭدەگى اتا-اناسىنا تابىستالدى.
تالعارداعى وتباسىلىق ۇلگىدەگى بالالار ۇيىنەن قاشىپ كەتكەن 10 جاستاعى جەتكىنشەكتى ىزدەۋ جۇمىستارى ەكى كۇنگە سوزىلدى. ەر بالا اناسى تۇرىپ جاتقان توڭكەرىس اۋىلىنان تابىلدى.
ال ىلە اۋدانىندا 21 -قاڭتاردا جوعالىپ كەتكەن بويجەتكەندى پوليتسيا تالدىقورعانداعى قۇربىسىنىڭ ۇيىنەن تاپتى.
«قازىرگى كەزدە ۇشەۋى دە اتا- اناسىنا قايتارىلدى. ولار مەكەنجايى بويىنشا ۋچاسكەلىك پوليتسيانىڭ پروفيلاكتيكالىق ەسەبىنە تۇرعىزىلدى»، - دەپ اتاپ ءوتتى وبلىستىق پوليتسيادا.
