مەملەكەتتىك ساتىپ الۋ جۇيەسىندە وتاندىق تاۋارلاردىڭ ۇلەسى ارتتىرىلادى - الماتى اكىمدىگى

ال بۇل جۇمىستار مەملەكەتتىك ساتىپ الۋ جۇيەسىندە وتاندىق مازمۇندى ىلگەرىلەتۋ بويىنشا بەكىتىلگەن كەشەندى جوسپارعا سايكەس ورىندالادى.

بۇل تۋرالى بۇگىن الماتى قالالىق كاسىپكەرلىك جانە يندۋستريالدى- يننوۆاتسيالىق دامۋ باسقارماسى باسپا ءسوز قىزمەتىنەن حابارلادى.

كەشەندى جوسپار بويىنشا مەملەكەتتىك مەكەمەلەر، ۇلتتىق كومپانيالار جانە جۇيەقۇرۋشى كاسىپورىنداردىڭ ساتىپ الۋلارىندا وتاندىق تاۋاروندىرۋشىلەردىڭ ۇلەسىن ارتتىرۋ بويىنشا ناقتى شارالار قولدانىلادى.

مىسالى، قالا باسشىلىعى قالاداعى ءار ءتۇرلى ساۋدا ويىن- ساۋىق ورتالىقتارىندا كاسىپكەرلەرگە ساۋدا الاڭدارىن ۇسىنۋ جۇمىستارىن باستاپ كەتتى. مۇندا جالدىق تولەم از بولادى. سونداي-اق، وتاندىق وندىرۋشىلەردىڭ تاۋارلارىن دۇكەندەردىڭ سورەلەرىنە قوياردا اكىمشىلىك كەدەرگىلەر الىنىپ تاستالادى.

كەشەندى جوسپار اياسىندا الماتىلىق تاۋاروندىرۋشىلەر ءار ءتۇرلى وتاندىق جانە حالىقارالىق كورمەلەر مەن بيزنەس- فورۋمدارعا قاتىسا الادى.

ودان باسقا، جەرگىلىكتى ازىق- تۇلىك تاۋارلارىن ەۋرازيالىق ەكونوميكالىق وداق اۋماعىنا شىعارۋ ءۇشىن ءتۇرلى كەدەرگىلەردى الىپ تاستاۋ بويىنشا ءتيىستى مەحانيزمدەر ازىرلەنىپ جاتىر.

وسىلايشا، بەس ينستيتۋتسيونالدىق رەفورمانى جۇزەگە اسىرۋ بويىنشا ۇلت جوسپارى - «100 ناقتى قادامدى» ورىنداۋدىڭ ارقاسىندا قالادا ونەركاسىپتىك يندۋستريانىڭ جۇمىسى جاقسارتىلماق.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى