تەڭگە باعامىنىڭ وزگەرۋى الماتىدا تۋريزمنىڭ دامۋىنا وڭتايلى ىقپال ەتتى - اكىم

بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا الماتى اكىمى باۋىرجان بايبەك وسىلاي ءمالىم ەتتى.

«وزدەرىڭىز بىلەسىزدەر، بۇگىندە ەلىمىزدىڭ ءاربىر ەكىنشى تۋريسى الماتىعا كەلەدى. تۋريزم سالاسىنداعى بارشا كىرىستىڭ 25 پايىزى الماتىعا تيەسىلى. وسى ورايدا باعامنىڭ وزگەرۋى شىن مانىندە تۋريزمگە جاقسى اسەر ەتتى. كەڭەستىك كەزدە شىمبۇلاققا 10 مىڭ ادام بارىپ ءجۇردى، ال سوڭعى دەمالىستاردا 15 مىڭعا جەتتى»، - دەدى اكىم.

ونىڭ ايتۋىنشا، شەتەل تۋريستەرى مەيرامحانالار مەن قوناق ۇيلەردىڭ، تۋريستىك پاكەتتەردىڭ قىمباتشىلىعىنا شاعىمدانىپ كەلگەن.

«بۇگىندە ول ايتارلىقتاي ارزاندادى. الايدا، تۋريستەر ءۇشىن تارتىمدى بولۋى ءۇشىن قالا اسەم ءارى ساۋلەتتى بولۋى كەرەك، ياعني حالىقارالىق ستاندارتتارعا ساي دامۋى ءتيىس»، - دەدى ب. بايبەك.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى