جاپون عالىمدارى ەگەۋقۇيرىقتىڭ ارقاسىنا ادام قۇلاعىن ءوسىرىپ شىعاردى
ءساتتى ەكسپەريمەنتتەن كەيىن زەرتتەۋشىلەر بەس جىل ىشىندە مۇنداي تەحنولوگيانى ادامزات يگىلىگى ءۇشىن پايدالانۋعا بولاتىنىن مالىمدەدى. عىلىمي قىزمەتكەرلەردىڭ ايتۋىنشا، بۇل بەت الپەتىنىڭ دامۋىندا اۋىتقۋشىلىق بار نەمەسە قانداي دا ءبىر جازاتايىم وقيعادان، اپاتتان زارداپ شەككەن ادامدارعا جاردەمدەسەدى.
قازىرگى ۋاقىتتا ادام قۇلاعى قاجەت بولعان جاعدايدا، پاتسيەنتتىڭ قابىرعاسىنان الىناتىن شەمىرشەكتەن وسىرىلەدى. بۇل ۇلكەن ەڭبەكتى قاجەت ەتەتىن وتا. شەمىرشەكتى الۋدىڭ ءوزى وڭاي شارۋا ەمەس. ودان كەيىن شەمىرشەك الىنعان ورىننىڭ قالپىنا كەلۋى وتە باياۋ ءۇردىس. ءتىپتى تولىقتاي جازىلماۋى دا مۇمكىن.
جاپون تەحنولوگياسى شامالى جاسۋشا مولشەرىن عانا تالاپ ەتەدى. قۇلاقتى ءوسىرۋ ءۇشىن عالىمدار شەمىرشەك جاسۋشاسىندا پليۋريپوتەنتتى باعانالىق جاسۋشا قالىپتاستىردى. ودان كەيىن ءتىرى وسكەن قۇلاقتى يمپلانتاتسيالاۋعا بولادى.
